featured photo: Darpanpost

जाजरकोट । डाक्टर बाबुराम भट्टराई नेतृत्वको नयाँ शक्ति पार्टी जाजरकोटमा रित्तिएको छ । नयाँ शक्ति जाजरकोटको सिङ्गो जिल्ला कमिटी सत्तारुढ नेपाल कम्युनिस्ट पार्टी नेकपामा विलय भएको छ ।

कुशे गाउँपालिका स्तरीय नेकपाको अगुवा कार्यकर्ता भेलामा नयाँ शक्तिको जिल्ला अध्यक्षसहित कमिटी नै समाहित भएको हो ।कार्यक्रमका प्रमुख अतिथि नेकपाका केन्द्रीय सदस्य निरज आचार्यले अविर माला लगाएर स्वागत गरे ।

कार्यक्रममा नेकपा कर्णाली प्रदेश कमिटी सदस्य तथा प्रदेश सांसद करबीर शाही, कर्णाली प्रदेश कमिटी सदस्य तथा तत्कालीन नेकपा माओवादीका जिल्ला अध्यक्ष ढकबीर राना, प्रदेश सदस्य हरिभक्त नेपाली, नेकपा कार्यालय सचिव दीप बहादुर थापा लगायतको उपस्थिति थियो ।

केन्द्रीय सदस्य आचार्यका अनुसार पर्सी माघ २५ गते नयाँ शक्तिका जिल्ला कमिटी सदस्यहरुलाई नेकपामा प्रवेश गराउने कार्यक्रम छ । कार्यक्रममा दलित जनजाती पार्टीकी समानुपातिक उम्मेद्वार पवित्रा चदारा, नेपाली काँग्रेसका राजेन्द्र हमाल र हृदराम जैसी पनि नेकपा प्रवेश गरेका छन् ।

न्युज ससारवाट