About Contact
१८ चैत्र २०७९, शनिबार
Close
बिज्ञापन
नयाँ मिसाइल प्रणाली बनाउन रुसको घोषणा

Darpanpost बुधबार, माघ २३, २०७५ मा प्रकाशित

featured photo: Darpanpost

काठमाडौं । शीतयुद्धको क्रममा भएको मध्यमदूरीको क्षेप्यास्त्रसम्बन्धी एक सन्धि आईएनएफबाट अलग भएको घोषणा गरेको रुसले नयाँ मिसाइल प्रणाली बनाउने काम सुरु गरेको छ ।

इन्टरमिडिएट रेन्ज न्युक्लियर फोर्स ( आईएनएफ ) सन्धि अमेरिकाले एकतर्फी रुपमा तोडेको घोषणा गरेपछि रुसले पनि हालै उक्त सन्धिबाट आफू पनि अलग भएको घोषणा गरेको थियो ।

आईएनएफ सन्धिले छोटो र मध्यम दुरीका मिसाइल प्रयोगमा प्रतिबन्ध लगाइएको थियो । अमेरिका र रुसले सन् १९८७ मा आईएनएफ सन्धिमा हस्ताक्षर गरेका थिए । तर अमेरिका र रुस दुवैले यो सन्धि उल्लंघन गरेको आरोप एकअर्कालाई लगाउँदै आएका थिए ।

आईएनएफ सन्धिले जमिनबाट मार हान्ने मिसाइल प्रयोगमा प्रतिवन्ध थियो तर समुद्र र हावाबाट प्रहार गर्ने मिसाइलमा भने प्रतिवन्ध छैन । त्यसैले रुससँग यस्ता मिसाइल छन् र उसले नयाँ प्रणाली विकसित गर्नेक्रममा तिनको प्रयोग गर्न सक्छ ।

रुसका रक्षामन्त्री सर्गेइ शोयगूले मंगलबार भनेका छन् दुई वर्षमा रुसले जमिनबाट मार हान्ने नयाँ मिसाइल बनाउने लक्ष्य राखेको छ । रुसी रक्षामन्त्री शोयगूले भनेका छन्, ‘अमेरिकाले पहिलेदेखि नै सम्झौताको उल्लंघन गर्‍यो । अमेरिका पाँच सय किलोमिटरभन्दा टाढासम्म प्रहार गर्न सक्ने मिसाइल बनाउन सक्रिय रुपमा लागिरहेको छ । जुन सन्धिको सीमाभन्दा बाहिरको कुरा हो । यस्तो स्थितिमा रुसी राष्ट्रपतिबाट जस्तालाई त्यस्तै जवाफ दिन निर्देशन प्राप्त भएको छ ।अनलाईन खबरबाट

तपाईको प्रतिक्रिया के छ ?
<

सम्बन्धित

ताजा अपडेट
राष्ट्रिय सहकारी दिवस २०७९ काे अवसरमा जिल्ला स्तरीय अन्तरक्रिया कार्यक्रम परासीमा सम्पन्न
नवलपरासीमा राम नवमीको अवसरमा हिन्दु स्वयं सेवकले भव्य मोटरसाईकल रैली

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष्य हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

  अध्यक्ष : विमल भट्टराई
सम्पादक : टक बहादुर सुनार

सूचना विभाग दर्ता नंः १२३२/०७५–७६ 

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : 9861886471, 9806977770
Email :[email protected]

Web :- www.darpanpost.com