featured photo: Darpanpost

टंक सुनार । पुर्वी रुपन्देहीको उत्कृष्ट संस्थागत विद्यालय सगमाथा आवासिय माविले आफ्नो विद्यालयको रजत जयन्ती महोत्सवको रुपमा मनाउने भएको छ । बिहिबार विद्यालयमा पत्रकार सम्मेलनको आयोजना गरी उक्त कुराको जानकारी दिइएको हो । पत्रकार सम्मेलनमा बोल्दै विद्यालयका प्रिन्सिपल कृष्ण प्रसाद पौडेलले सप्ताहाब्यापी रुपमा माघ २९ गतेदेखि फागुन ७ गतेसम्म विभिन्न कार्यक्रमको आयोजना गरी रजत जयन्ती मनाउन लागिएको जानकारी दिनु भयो । रजत जयन्तीका अवशरमा भुपु विद्यार्थी मिलन, छात्रा नगरस्तरीय भलिबल, बक्तृत्वकला, स्वस्थ्य शिविर मधुमेह परिक्षण र परामर्श, फुड फेस्टिबल, बृहत सरसफाई कार्यक्रम, शैक्षिक जनचेतनामुलक ¥याली लगायतका कार्यक्रम गरीने विद्यालयका भोइस प्रिन्सिपल प्रदिप अधिकारीले बताउनु भयो ।

फागुन ७ गते हुने मुल समारोहको प्रदेश नम्बर ५ का सामाजिक विकास मन्त्री सुर्दशन बरालले उद्घाटन गर्ने कार्यक्रम रहेको छ । विसं. २०५१ सालमा ६५ जना विद्यार्थी र ४ जना शिक्षकबाट अध्यापन शुरु गरेको विद्यालयले हरेक वर्ष कक्षा थपसंगै विसं. २०६० सालमा प्रथम पटक एसएलसी परिक्षामा विद्यार्थीहरुलाई सहभागिता गराएको थियो । विद्यालयमा हाल कक्षा १० सम्म एक हजार ५० र कक्षा ११÷१२ मा ५ सय २५ गरि १५ सय ७५ जना विद्यार्थीहरु ६१ जना शिक्षक कर्मचारीहरु रहेका छन ।