About Contact
२३ आषाढ २०७९, बिहिबार
Close
बिज्ञापन
यी हुन् सार्वजनिक कार्यक्रमको मञ्चमै रक्सी पिउने कम्युनिस्ट सरकारका मन्त्री

Darpanpost बिहिबार, माघ १७, २०७५ मा प्रकाशित

featured photo: Darpanpost

तुलसीपुर । नेपाल कम्युनिस्ट पार्टी नेकपाका नेता समेत रहेका प्रदेश ५ का आन्तरिक मामिला तथा कानूनमन्त्री कुलप्रसाद केसीले सार्वजनिक कार्यक्रममा मञ्चमा बसेका बेला घर पालुवा रक्सी पिएर सबैलाई चकित तुल्याइदिएका छन् ।

दाङको शान्तिनगर गाउँपालिकामा बुधबार अध्यक्ष कप रनिङ सिल्ड फुटबल प्रतियोगिता उद्घाटन गर्न आएका मन्त्री केसीले मञ्चमा घरेलु रक्सी पिएका हुन् ।

त्यति मात्रै होइन केसीले छिटुवामा राखेर दिइएको स्प्राइटको जम्बो बोतल र भुर्कीमा राखिएको रक्सी पनि उपहार स्वरुप लिएका छन् ।

स्थानीय चौधरी महिलाहरूले मन्त्री केसीलाई घर पालुवा रक्सी दिएका हुन् । मन्त्री केसीसँगै शान्तिनगर गाउँपालिकाका अध्यक्ष कमानसिंह डाँगीले पनि घरपालुवा रक्सी मञ्चमै पिएका छन् ।

प्रदेश ५ का कानूनमन्त्री केसी र गाउँपालिकाका अध्यक्ष डाँगीललाई मालुको पातको बौतामा रक्सी दिइएको थियो ।

कानूनमन्त्रीले घर पालुवा रक्सी मञ्चमै पिउँदै गर्दा उनको छेउँमै दाङका प्रमुख जिल्ला अधिकारी गोविन्दप्रसाद रिजाल, जिल्ला प्रहरी प्रमुख बेलबहादुर पाण्डे लगायतको उपस्थिति रहेको थियो ।

माओवादी पृष्ठभूमि भएका कानूनमन्त्री केसीले सशस्त्र द्वन्द्वका बेला घरपालुवा रक्सी बनाएको भनेर गाउँका सर्वसाधारणलाई भाटे कारबाही गर्थे । तर, मन्त्री भएपछि आफै मञ्चमा बसेर घरपालुवा रक्सी पिएपछि स्थानीयले कुराकाटेका थिए ।

दाङ प्रहरीले घरपालुवा रक्सी जफत गरेर फाल्ने गरेको छ । तर, कानूनमन्त्रीले मञ्चमै घरपालुवा रक्सी पिउँदा केही भनेन ।

रिपब्लिका दैनिकबाट

तपाईको प्रतिक्रिया के छ ?
<

सम्बन्धित

ताजा अपडेट
बेवासिरे अवस्थामा रहेको सामान नवलपरासी सशस्त्र प्रहरीद्वारा बरामद
सञ्चारकर्मीहरू कमजोरीबाट हुनबाट सचेत हुनु पर्छ : पोख्रेल

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवाहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६
    प्रधान सम्पादक –टंक सुनार
    प्रवन्ध निर्देशक–विमल भट्टराई

Contact Us for Assistance !

Contacts

Tel: + 91-7398598063

Email: [email protected]

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com