featured photo: Darpanpost

काठमाडौं । नेपाल चिकित्सक संघले देशभरका अस्पतालमा आकस्मिक बाहेकका सेवा बन्द गर्ने घोषणा गरेको छ ।

बिहीबार राष्ट्रियसभाले चिकित्सा शिक्षा विधेयक पास गरेलगतै संघले यस्तो निर्णय गरेको हो ।

संघले डा।गोविन्द केसीको माग र अनसनलाई बेवास्ता गरेको भन्दै संघर्षका कार्यक्रम आह्वान गरेको हो । संघले केसीलार्य मात्रै नभई सरकारले देशभरीका डाक्टरहरुको अपमान गरेको भन्दै आन्दोलनको घोषणा गर्नु परेको बताएको छ ।

डा। केसीको जीवनरक्षाका लागि सरकारले कुनै पहल नगरेको भन्दै चिकित्सक संघले भोलि शुक्रबार सांकेतिक आन्दोलन स्वरुप देशभरका सरकारी, गैरसरकारी, निजी, मेडिकल कलेज लगायतका सम्पूर्ण स्वास्थ्य संस्थाहरुमा आकस्मिक बाहेकका अन्य सम्पूर्ण स्वास्थ्य सेवा बन्द गर्ने निर्णय गरेको छ ।

स्वास्थ्य क्षेत्रमा उत्पन्न हुने परिस्थितिको जिम्मेवारसरकार नै हुने संघका महासचिव डा. लोचन कार्कीद्वारा जारी विज्ञप्तिमा उल्लेख छ ।

डा. केसी २३ दिनदेखि अनसनमा छन् भने उनको समर्थनमा संघले देशभर दबावमूलक कार्यक्रम गर्दै आएको छ ।
न्युज पोलारवाट