featured photo: Darpanpost

घोराही । बुधवार देशको लागि आफ्नो प्राणको आहुति दिने अमर सहिदहरुको सम्झना गर्ने दिन । राणा शासन विरुद्धको आन्दोलनमा ज्यानको बाजी लगाएका अमर सहिदहरु धर्मभक्त माथेमा, शुक्रराज शास्त्री, गंगालाल श्रेष्ठ र दशरथ चन्द ठकुरीको सम्झनामा बुधवार देशभर बिभिन्न कार्यक्रम गरिएको छ ।

पछिल्ला वर्षहरुमा सहिदको अपमान भएको गुनासो बढिरहेको छ । सहिदको मापदण्ड र संख्याबारे सरकार समेत अनभिज्ञ छ । जो सुकैलाई पनि सहिद घोषणा गर्ने प्रवृत्तिको अन्त्य गदै वास्तविक सहिदको सम्मान गर्न बिभिन्न क्षेत्रबाट माग हुँदै आएको छ ।

दिवसको अवसरमा नेपाली काग्रेंस दाङले पनि सहिदहरुको सम्झनामा अन्तरक्रिया कार्यक्रम गरेको छ । नेपाली काग्रेंस दाङका सभापती कृतिबहादुर खड्काको अध्यक्षतामा भएको कार्यक्रममा बोल्ने बक्ताहरुले वीर सहिदहरुको सपनालाई पुरा गर्न पहिला आफ्नो स्वार्थलाई त्यागर्नुपर्नेमा जोड दिनुभएको छ ।

अहिलेको सरकारले प्रजातन्त्र खतरामा पार्न खोजेको भन्दै प्रजातन्त्रलाई जोगाउन सबै एक भएर लाग्नु पर्ने उहाँहरुले बताउनुभयो । साथै उहाँहरुले सहिदहरुको बलिदानको उच्च सम्मान गर्नु सबै नेपालको कर्तव्य रहेको उल्लेख गर्नुभएको थियो ।

नेपाली काग्रेंस दाङका उपसभापती कमाङसिह भारतीको स्वागत मन्तव्यबाट सुरु भएको कार्यक्रममा पुर्व सभापती बिरकेसरी गौतम,नेपाली काग्रेसं प्रदेश नं ५ का सासंद अर्जुन कुमार श्रेष्ठ लगाएतले समृद्धि र बिकासलाइृ अघि बढाउने काग्रेसको दायित्व भएको भन्दै सकारात्कम सोचका साथ अघि बढ्नुपर्ने बताउनुभएको थियो । कार्यक्रमको सहजीकरण नेपाली काग्रेंस दाङका सचिव टेकबहादुर वलिले गर्नुभएको थियो ।