featured photo: Darpanpost

चितवन । नेपाली कांग्रेसका लोकप्रिय युवा नेता गगन थापा नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’को गृहजिल्ला चितवनबाट गर्जिएका छन् ।

थापाले कम्युनिस्टहरूको पर्दाफास गर्दै नेकपाको एकता डर र लोभमा टिकेको बताएका हुन् ।

चितवनको माडीमा अगुवा कार्यकर्ता भेलालाई सम्वोधन गर्दै थापाले भने, ‘यो एकता विचार र दृष्टिकोणको एकता हैन, पूरै अल्मिलिएको छ । लोभ र डरको एकता हो, देश बनाउने दृष्टिकोण र भिजनको एकता हैन यसको प्रभाव शासकीय प्रभावमा परेको छ ।’

एमालेको प्रधानमन्त्रीको लोभ र माओवादीको पार्टी नरहने डरका कारण दुई पार्टी एक भएको उनको दाबी छ । कांग्रेस नेता थापाले गिरिजाप्रसाद र सुशील कोइरालाको नाम अस्पतालबाट हटाउँदैमा कांग्रेसको मनबाट हटाउन नसक्ने बताएका छन् ।

कांग्रेसमाथि सरकारले गरेको व्यवहार कस्तो छ भन्ने सन्देश प्राप्त भएकाले पार्टीले आपत्ति जनाएको उनले बताए । केही दिनअघि चितवनकै कांग्रेस नेता तीर्थराज भुसालले पार्टी छाडेर नेकपामा गएपछि गगन थापा कार्यकर्तालाई भेट्न चितवन पुगेका छन् ।

मिडीया डबलीवाट