featured photo: Darpanpost

तपेन्द्र धामी ,विनायक । कांग्रेसवाट विजय मेयरले जनताको घाउमा मलमपट्टि लगाएका छन् । जिल्लाको पञ्चदेवल विनायक नगरपालिका प्रमुख देवराज देवकोटाले चट्याङ लागेर घाईते भएकाहरुलाई जिल्ला अस्पताल पुर्याएका छन् ।
बुधबार राति नगरपालिकाको वडा नम्बर ७ मा चट्याङका कारण २२ बर्षिय धना देखि रावलको शुक्रवार निधन भएको थियो भने १९ जना घाईते भएका थिए ।

चट्याङ लागेर घाईते भएका स्थानिय बृकिसे रावल, धनबहादुर रावल, खडक बहादुर रावल, जैसरा कामी, मना कामी , दिपु कामी , बासु कामी, धर्मादेखि रावल लगायत रहेका छन । यस्तै टेक बहादुर बटाला, सिर्जना देबि बटाला, भावना देबि बटाला, धिर्जा बटाला, रामकलि देबि रावल, भावना सुनार, तुलादेवि कामी , कमला देबि कामी,लालु कामी , रुपा सुनार र मन्सरा देवि कामीलाई उपचारमा कुनैपनि कमी नहुने नगर प्रमुख देवकोटाको भनाई छ ।
घाईतेहरुलाई नगर प्रमुख देवकोटा र मुख्य सल्लाहकार वेदप्रकाश तिमिल्सैना सहितको टोलि राहत र उद्दारका लागि आज घटना स्थल पुगेको थियो । घटनाको अध्यायन गर्दै नगर प्रमुख देवकोटाले सबै घाईतेलाई जिल्ला अस्पताल लिनुपर्ने भन्दै यातायातको व्याबस्थापन गरेपछि उनिहरुलाई जिल्ला अस्पताल पुर्याएको उहाका प्रमुख सल्लाहकार बेदप्रकाश तिमिल्सैनाले जानकारी दिनुभयो ।
मृतक रावलको दाहासंस्कार र क्रियाको लागि नगरपालिकाले आर्थिक सहयोग गर्ने भएको छ । लगातारको बर्षाका कारण घटनास्थलबाट घाईतेहरुलाई समयमै अस्पताल पुगाउन नसकिएको हो ।