featured photo: Darpanpost

काठमाडौं । कम्युनिष्ट सरकारका गृहमन्त्रीको पुतला जलाइएको छ । जनकपुरमा शुक्रबार साँझ गृहमन्त्री राम बहादुर थापा बादलको पुतला दहन गरिएको हो ।
सप्तरीका दीपेन्द चौधरीलाई ईन्काउन्टर गरेको विरोधमा युवाहरुले गृहमन्त्री बादलको पुतला दहन गरिएको हो । चौधरीलाई नेपाल प्रहरीले नियन्त्रणमा लगेर गोली ठोकेको भन्दै युवाहरुले विरोध जनाउँदै आन्दोलित भएका छन् ।
गत मंगलबार चौधरीलाई भारतबाट पक्राउ गरी बुधबार राती सप्तरीको रुपनीमा ल्याएर ईन्काउन्टर गरेको आरोप लगाउँदै युवाहरु आन्दोलित भएका हुन् ।

यता नेपाल प्रहरीले चेकजाँचका क्रममा चौधरीले शुरुमै गोली प्रहार गरेको र प्रतिरक्षामा फाइरिङ गर्दा उनको मृत्यू भएको जनाएको छ । तराईमा आपराधिक गतिविधि र चन्दा असुली लगायतका क्रियाकलापमा संलग्न रहेको आरोप चौधरी माथि लागेको थियो ।

मधेशका युवाहरुलाई गृहमन्त्री बादलकै ईसारामा प्रहरीले ताकी ताकी विना कारण युवाहरुलाई गोली हान्दै गरेको भन्दै विरोधमा पूतला दहन गरिएको हो । जस्तोसुकै अपराधीलाई प्रहरीले पक्राउ गरेपछि हत्या गर्न नहुने भएपनि उन लाई गैर न्यायिक तवरले हत्या गरेको भन्दै परिवारजन आन्दोलित भएका छन् । प्रदेश प्रहरीको टोली समेत योजनावद्ध रुपमा उनलाई इन्काउन्टर गरेको हो । प्रहरीले दीपेन्द्रले नै पहिले गोली चलाएको बताएपनि घटनाको प्रकृति भने त्यस्तो नदेखिएको प्रत्यक्षदर्शीहरु बताउँछन् ।