featured photo: Darpanpost

टंक सुनार
माघ ९ । ५ नम्बर प्रदेशका प्रदेश सभा सदस्य डा.कृष्ण न्यौपानेले देवदहलाई पर्यटकिय क्षेत्रको रुपमा विकास गर्ने योजना निर्माण भएको बताउनु भएको छ । बुधबार रुपन्देहीको देवदहमा महामायाँ महिला सामुदायिक वन उपभोक्ता समुहको १७ औँ साधारण सभा तथा पाचौँ अधिवेशन कार्यक्रममा बोल्दै उक्त कुरा बताउनु भएको हो । उहाले पर्यटन क्षेत्र निर्माण गर्नका लागि गुरुयोजना निर्माण गर्नु पर्ने बताउनु भयो । उहाले देवदहमा ताल निर्माणका लागि जिल्ला बन कार्यालयलाई जिम्मा दिइसकिएको जानकारी दिनु भयो । देवदहलाई बुम्बीनी र उत्तरी नाका चिन संग जोड्ने गरी सडक संञ्जाल निर्माणको कार्य पनि चलिरहेको डा.न्यौपानेको भनाई थियो ।

सोही कार्यक्रममा बोल्दै वडा अध्यक्ष पदम थापाले दिगो विकासका लागि दिर्घकालिन योजना आवश्यक भएको बताउनु भएको छ । उहाले दिर्घकालिन सोचका साथ काम गर्ने हो भने विकास निर्माणका कार्यहरुले अपेक्षित उपलब्धि हासिल हुने बताउनु भयो ।