featured photo: Darpanpost

काठमाण्डौ । नेपाल सरकारका स्वास्थ्यमन्त्री गर्जिदा सत्तारुढ दल भित्र खैलावैला मच्चिएको छ । सरकार उपप्रधानमन्त्री तथा स्वास्थ्यमन्त्री उपेन्द्र यादवले डा. गोविन्द केसीसँग भएका सम्झौता सरकारले इमान्दारिताका साथ कार्यान्वयन गर्नुपर्ने बताएका छन्।

बुधबार स्वास्थ्य मन्त्रालयमा पत्रकारहरूसँगको भेटघाटमा मन्त्री यादवले आफु पनि आन्दोलनबाट आएकाले त्यसकारण आन्दोलनमा भएका सहमति कार्यान्वयन हुनुपर्ने बताए । सरकारले डां केसीसँग गरेका सम्झौता कार्यान्वयन गर्नुपर्ने उनको जोड थियो।

आफु पनि आन्दोलनबाट आएको मान्छे भएकाले भोली फेरि आन्दोलनमै जानुपर्ने हो कि भन्दै सरकाले केसीलाई धोका दिन नहुने मन्त्री यादवको भनाइ थियो । उनले गुणस्तरीय मेडिकल कलेजले मात्र गुणस्तरीय डाक्टर तथा स्वास्थ्य जनशक्ति उत्पादन गर्नेसमेत बताए।