featured photo: Darpanpost

टंक सुनार
माघ ८ । रुपन्देहीको देवदह उद्घोषण तालिम सुरु भएको छ । नेपाल मगर महिला संघ देवदहको आयोजनामा मंगलबार देखि तालिम सुरु भएको हो । देवदह नगरपालिकाको आर्थिक सहयोगमा सुरु भएको तालिमको शुभारम्भ गर्दै देवदह उपप्रमुख विद्यालरुक्ष्मी गुरुङ्गले नगरपालिकाले दलित जनजाती र विपन्न समुदायको क्षमता अभिबृद्धीका लागि बजेट विनियोजन गरेको जानकारी दिनु भयो ।

जनजाती समुदायका महिलाहरु निकै पछाडी रहेको उल्लेख गर्दै उहाले महिलाहरु अब चुल्हो चौकोमा मात्रै सिमित हुन नहुने बताउनु भयो । सोही अवशरमा बोल्दै वडा अध्यक्ष पदम थापाले नेतृत्व तहमा मगर महिलाहरुको पहुँच बृद्धी गर्नु आवश्यक भएको बताउनु भयो । उहाले पहुँचमा नपुगे सम्म अपेक्षित उपलब्धि हासिल गर्न नसकिने बताउनु भयो । एक हप्ता सम्म चल्ने तालिमको सहजीकरण कुमारी थापाले गर्दै हुनुहुन्छ ।