featured photo: Darpanpost

दाङ । नेपाली काङ्ग्रेसका प्रवक्ता विश्वप्रकाश शर्माले निर्वाचनमा काङ्ग्रेसले हारेर एकदम ठीक भएको बताए । शर्माले सङ्घीय, प्रदेश एवमं स्थानीय निर्वाचनमा काङ्ग्रेसको हारले नेताहरु गतिलो पाठ सिकाएर गएको धारणा राखे ।
काङ्ग्रेस दाङ क्षेत्र नं ३ को क्षेत्रीय भेलालाई सम्बोधन गर्दै उनले काङ्ग्रेसले हारेको हुँदा पार्टी सुधारको मौका मिलेको र पार्टीभित्र सुधारको सङ्केत देखिएको बताए ।
उनले अहिले पार्टीभित्र ठूला नेताको मिलन हुनु, केन्द्रीय पदाधिकारीले पूर्णता पाउनु, सङ्घीय संरचनाअनुसार पार्टी कमिटी बन्नु, देशव्यापी छलफल गरेर विधान तयार हुनु नै काङ्ग्रेसको सुधारको सङ्केत भएको दाबी गरे ।
पार्टीनिकट सबै भ्रातृ सङ्गठनले लोकतान्त्रिक परिपाटी अपनाएर नेतृत्व चयन एवम् छलफलका कार्यक्रम गरिरहेको उनले जानकारी दिए।