featured photo: Darpanpost

काठमाडौं । संसद् बैठक अवरुद्ध रहेको समयमा सदनको बाँकी कारवाही अगाडि बढाउने सभामुख कृष्णबहादुर महराको घोषणाले प्रमुख प्रतिपक्षी दल नेपाली कांग्रेस आक्रोशित भएको छ ।

आफ्ना नेताको नाम जोडिएका अस्पताललाई अन्य ९ स्वास्थ्य संस्थासरह केन्द्र सरकार मातहत ल्याउनुपर्ने माग गर्दै कांग्रेसले मंगलवार पनि संसद्को बैठक अवरुद्ध गरेको थियो ।

बैठक अवरुद्ध गर्नुअघि सभामुखसँग समय लिएर कांग्रेसका प्रकाशमान सिंहले गिरिजाप्रसाद कोइराला र सुशील कोइरालाको नाम जोडिएका अस्पताल केन्द्र सरकार मातहत ल्याउने निर्णय नगर्दासम्म सदनको कारवाही चल्न नदिने बताएका थिए ।

प्रकाशमान सिंह बोलेलगत्तै कांग्रेस सांसदहरू बेल घेर्न पुगेका थिए । कांंग्रेसको अवरोधका बीच सभामुख कृष्णबहादुर महराले सदनको बाँकी कारवाही अगाडि बढाउने घोषणा गरेका थिए । सदनको कारवाही अगाडि बढाउने सभामुखको घोषणामा सत्तापक्षका सांसदहरूले टेबल ठटाएर समर्थन गरेका थिए ।

त्यसपछि कांग्रेस सांसदहरूको नाराबाजी झनै चर्कियो । बैठकमा शिक्षामन्त्री गिरिराजमणि पोखरेलले चिकित्सा शिक्षा विधेयक पारित गरियोस् भन्ने प्रस्ताव पेश गर्ने कार्यसूची छ । मिडीया डाबलीवाट