featured photo: Darpanpost

काठमाडौं । काठमाडौँ महानगरपालिकामा बस्ने नागरीकलाई आयो नयाँ नियम ल्याएको छ । महानगरपालिकाले प्लास्टिकजन्य फोहोर फालेमा ५० हजार जरिवाना तिर्नुपर्ने भएको छ ।

काठमाडौँ महानगरपालिका वातावरण विभागका प्रमुख हरि श्रेष्ठका अनुसार पहिलो चरणमा यो नियम दरबारमार्ग, रत्नपार्क, शहिदगेट, पुतलीसडक र बागबजार क्षेत्रमा लागू हुँदैछ । यी स्थानमा पाइलट प्रोजेक्ट सफल भएपछि मानिसको बाक्लो उपस्थिति हुने अन्य स्थानमा पनि यो अभियान लागू गरिने श्रेष्ठले बताए ।

यही अभियान अन्तर्गत महानगरपालिकाले सडक किनारमा डष्टबिन राख्ने कामलाई तीब्र बनाएको छ । महानगरपालिकाले यो नियम कडाइका साथ लागू गर्न पसल मालिकहरुलाई पनि आफ्नो पसल अगाडि अनिवायर्य डस्टबिन राख्न निर्देशन दिने भएको छ ।

महानगरपालिकाले घर, पसलसँगै फुटपाथका पैदल यात्रीलेसमेत बिस्कुटका खोल, पान पराग, गुट्खा, चुरोटका बट्टा र प्लास्टिकजन्य पदार्थ सडकमा फालेर प्रदूषण बढाएकाले महानगरपालिका कडाइका साथ अगाडि आएको हो ।

यदि यो नियम उल्लंघन गरेको महानगरपालिकाको टोलीले भेटेमा ५० हजार रुपैयाँसम्म जरिवाना तिर्नुपर्नेछ । फोहोरमैला व्यवस्थापन ऐन, २०६८ दफा ३८ को खण्ड क, ख, ग, घ र ङ बमोजिम कसुर गर्नेलाई ५ हजारदेखि ५० हजार रुपैयाँसम्म जरिवाना गर्ने व्यवस्था छ ।