featured photo: Darpanpost

काठमाडौं । चर्चित पत्रकार रवी लामिछाने विवाह बन्धनमा बाधिएका छन् । सोमवार रवीले निकिता पौडेलसँग विवाह गरेका हुन् । उनले आजै अदालतमा विवाह गरेको जानकारी दिएका छन् । चलचित्र विकास बोर्डकी अध्यक्ष रहेकी पौडेलसँग परम्परागत रुपमा विवाह भने बैशाखमा गर्ने पनि उनले सार्वजनिक गरेका छन् ।

यस्तो छ रवि लामिछानेको फेसबुक पोष्ट
ब्यक्तीगत जीवनले नयाँ मोड लिएको छ।एक अर्काका परिवार, आफन्त र नातागोताको छलफल र अनुमतिमा आज निकिता पौडेल जी र मैले कानुनी रुपमा काठमाडौं जील्ला आदालतमा बिवाहा दर्ता गरेका छौ।यो निर्णय यति छिटो गर्ने योजना नै थिएन। तर हामी दुबै प्रती जसरी मानसिक यातना नै हुने गरि अनवरत समाचार र खोजबीन चल्यो त्यसले हामीलाई एक अर्काको निकै खाचो पर्यो। हामी समस्त दर्शक शुभ चिन्तक,परिवार इस्टमित्रहरु बाट एउटै मात्र कुरा चाहन्छौ, आशिर्वाद। परम्परागत रुपमा हामी आउदो बैशाखमा बिवाह गर्ने छौ। यो हाम्रो नितान्त ब्यक्तिगत जीवन हो। कसैको चर्चा, आलोचना, सुझाव, ब्याख्यामा हामी अटेनौ भने हामीलाई माफ गर्नु होला। हाम्रो भोगाई र तपाईंको सोचाइ नमिल्न सक्छ। हामी दुबैजना यो निर्णयबाट एकदमै खुशी छौ। र हामी सबैबाट हाम्रो सुखद दाम्पत्य जीवनकालागि शुभ कामना मात्र चाहन्छौ।