About Contact
२० आषाढ २०७९, सोमबार
Close
बिज्ञापन
यि हुन् रोगै नलागेका सांसद, जसले उपचार खर्च भन्दै सिध्याए राज्यको सम्पती (नाम र विवरण सहित)

Darpanpost सोमबार, माघ ०७, २०७५ मा प्रकाशित

featured photo: Darpanpost

काठमाडौं । राष्ट्रिय सभाका अध्यक्ष गणेशप्रसाद तिमल्सिनाले गत १७ जेठमा संसद सचिवालयबाट २५ हजार दुई सय ४१ रुपैयाँ उपचार खर्च बुझेका छन् । नेकपाका भीम रावलले १८ असारमा उपचार खर्चबापत १४ हजार दुई सय ८५ रुपैयाँ बुझेका छन् ।

उपसभामुख डा. शिवमाया तुम्बाहाम्फेले ३ मंसिरमा वीर अस्पतालको नाममा आठ हजार ३० रुपैयाँ र राष्ट्रिय सभा उपाध्यक्ष शशीकला दाहालले वीर अस्पतालको नाममा १३ असारमा दुई हजार पाँच सय १५ र ३ मंसिरमा सात हजार तीन सय रुपैयाँ बुझेकी छन् ।

कांग्रेसकी कोषाध्यक्ष एवं सांसद सीतादेवी यादवले ५ भदौमा संसद् सचिवालयबाट उपचार खर्चको बिल बुझाएर नौ हजार ६ सय ४५ रुपैयाँ रकम बुझेकी छन् । त्यस्तै, कांग्रेसकै राष्ट्रिय सभा दलका नेता सुरेन्द्रराज पाण्डेले २४ भदौमा १५ हजार नौ सय ३४ रुपैयाँ बुझेका छन् । नयाँ पत्रिका दैनिकले समाचार छापेको छ ।

सबैभन्दा बढी उपचार खर्च लिने सांसद

शान्ति अधिकारी जिसी रु. २,३३,३६९
सानु शिवा रु. ८४,४४३
ज्ञानकुमारी छन्त्याल रु. ३८,१७३
प्रकाश पन्थ रु. ३४,६२२
घनश्याम खतिवडा रु. २६,६१३

उपचार खर्च लिन कम रकमको बिल भर्पाइ बुझाउने सांसद

मानबहादुर विश्वकर्मा रु. १,३२३
विमला विश्वकर्मा रु.१,६५०
मैनाकुमारी भण्डारी रु. १,५०७
रेनुका गुरुङ रु. १,७२५
वृजेशकुमार गुप्ता रु.२,१५४

धेरैपटक उपचार खर्च लिने सांसद

संसद् सचिवालयबाट उपचारको बिल पेस गरी १० महिनामा एउटै सांसदले पाँचपटकसम्म उपचार खर्च बुझेका छन् । तीनपटकदेखि पाँचपटकसम्म उपचार खर्च लिने पाँचजना सांसद छन् । जसमध्ये सांसद स्मृतिनारायण चौधरीले गत जेठ महिनामा मात्रै तीनपटक उपचारको बिल पेस गरेका छन् । उनले जेठको १७ गते १२ हजार तीन सय १६ रुपैया, २८ गते तीन हजार चार सय ९० रुपैयाँ र ३१ गते दुई हजार पाँच सय ३४ रुपैयाँ बुझेका छन् । त्यस्तै, १८ असारमा तीन हजार एक रुपैया र १५ भदौमा तीन हजार पाँच सय २३ रुपैयाँ बुझेका छन् ।

कांग्रेस नेता मानबहादुर विश्वकर्माले गत जेठमा दुईपटक र भदौ र असोजमा गरी जम्मा चारपटक उपचार खर्च बुझेका छन् । सांसद कविता बोगटी, नवराज रावत र सानु शिवाले पनि सचिवालयबाट तीन–तीनपटक उपचार खर्च बुझेका छन् । राष्ट्रिय सभा उपाध्यक्ष शशीकला दाहाल, सांसद घनश्याम खतिवडा, प्रमिला कुमारी, मीना बुढा, मैनाकुमारी भण्डारी, रेनुका गुरुङ, ध्रुवकुमार शाही र लीलानाथ श्रेष्ठले सचिवालयबाट दुई–दुईपटक उपचार खर्च लिएका छन् ।

एकपटक उपचार खर्च लिने सांसद

४६ सांसदमध्ये ३१ सांसदले भने एकपटक मात्रै सचिवालयबाट उपचार खर्च लिएका छन् । जसमा राष्ट्रिय सभा अध्यक्ष तिमल्सिनादेखि उपसभामुख तुम्बाहाम्फे, नेकपा सांसद भीम रावल, कांग्रेसकी कोषाध्यक्ष सीतादेवी यादव तथा कांग्रेसकै सुरेन्द्रराज पाण्डेसम्मका नेता छन् । सांसदहरू अगमप्रसाद वान्तवा राई, आशाकुमारी विका, उमा रेग्मी, उदय शर्मा पौडेल, कमलाकुमारी ओली, कलुदेवी विश्वकर्मा, कल्याणीकुमारी खड्का, खिमबहादुर विक, गजेन्द्रबहादुर महत, दिलकुमारी, नन्दा चपाई, दिलकुमारी रावल थापा, नन्दलाल रोका क्षेत्री, प्रकाश पन्थ, प्रमिला राई, महेन्द्रकुमारी लिम्बू, यज्ञबहादुर बोगटी, रंगमती शाही, रामचन्द्र राई, विमला विश्वकर्मा, विन्दादेवी आले रानाले समेत एकपटक मात्रै उपचार खर्च लिएका छन् ।

तपाईको प्रतिक्रिया के छ ?
<

सम्बन्धित

ताजा अपडेट
अभियानको बेला मृत्यु भएकी प्यूठानकी हुमी देवीको परिवारलाई मगर संसारद्वारा आर्थिक सहयोग
धन्यवाद मेयर साबलाई, गरीबको बाच्ने अधिकार कहाँ छ र ? ‘गरिबको चमेली बोल्दिने कोही छैन (भिडियो सहित)

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवाहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६
    प्रधान सम्पादक –टंक सुनार
    प्रवन्ध निर्देशक–विमल भट्टराई

Contact Us for Assistance !

Contacts

Tel: + 91-7398598063

Email: [email protected]

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com