featured photo: Darpanpost

निर्मल पौडेल पर्वत ६ माघ २०७५ ,समुदाय प्रहरी साझेदारी जिल्ला समितिको वैठक आइतवार जिल्ला समन्वय समितिको सभाहलमा सम्पन्न भएको छ । प्रमुख जिल्ला अधिकारी गुरुदत्त ढकालको प्रमुख आतिथ्यतामा कार्यक्रम सम्पन्न भएको हो । वैठकमा वोल्दै प्रमुख जिल्ला अधिकारी ढकालले प्रहरी समुदाय साझेदारी कार्यक्रमले जिल्लाको शान्ति सुरक्षामा टेवा पु¥याएको वताए । वैठकमा जिल्ला प्रहरी कार्यलय पर्वतका प्रमुख प्रहरी नायव उपरीक्षक भुवनेश्वर तिवारीले समुदाय साझेदारीको विषयमा पर्वत जिल्ला भरीमा हाल सम्म भएका प्रगति विवरणहरुको प्रस्तुति प्रस्तुत गर्नुभएको थियो ।
तिवारीले समुदाय प्रहरी साझेदारी जिल्ला समितिले हाल सम्मको कार्यक्रमको समिक्षा गरी आगामी दिनहरुमा अझ प्रभावकारी वनाउन जिल्ला स्तरमा पालिका तथा वडा समितिहरुलाई समेत निर्देशित गराइसकेको जानकारी दिनुभयो । पर्वत प्रहरीले आगामी दिनहरुमा विधालय स्तरमा सचेतना कार्यक्रमलाई अझ प्रभावकारी रुपमा लैजान थप प्रशिक्षकहरु खटाउने निर्णय समेत गरेको छ ।
वैठकमा समुदाय प्रहरी साझेदारी जिल्ला समितिका सम्पुर्ण कार्य समिति एवम् सदरमुकाम स्थित सरकारी कार्यालयका प्रमुख तथा प्रतिनिधिहरुको समेत उपस्थित रहेको प्रहरी निरीक्षक बिनि महादेव पौडेलले जानकारी दिनुभएको छ ।