featured photo: Darpanpost

काठमाडौं । कम्युनिष्ट सरकार विरुद्ध नेपाल विद्यार्थी संघले बृहत प्रदर्शन गर्ने भएको छ । नेविसंघले माघ ९ गते माइतीघर मण्डालामा बृहत प्रदर्शन गर्ने बताएको छ ।
कञ्चनपुरमा बलत्कार पछि हत्या गरिएकी बालीका निर्मला पन्त र पटक–पटक स्वास्थ्य क्षेत्रमा सुधारको माग गर्दै अनसन बसेका डा. गोविन्द केसीको समर्थनका लागी नेपाल विद्याथी सघले बृहत प्रदर्शन गर्ने भएको हो।

नेपाल विद्यार्थी संघको केन्द्रीय कार्य समितीको आयोजनामा कम्युनिस्ट सरकारका प्रधानमन्त्री केपी शर्मा ओलीले आफुले गरेका सम्झौतासम्झौताहरु बेवास्ता गरेकाले माघ ९ गते दिउसो १ बजे हजारौ नेता कार्यकर्ताहरु सडकमा उतार्ने जनाएको छ ।

तत्काल डा. गोविन्द केसीको मागलाई सरकारले सम्बोधनका लागि दवाव दिने र निर्मला पन्तका बलात्कारी र हत्यारालाई अहिलेसम्म पक्राउ गर्न नसकेपछि सरकार विरुद्ध वृहत प्रदर्शन गरिने भएको छ।