featured photo: Darpanpost

काठमाडौँ ।  नेपाल कम्युनिष्ट पार्टी नेकपाका अध्यक्ष पुष्पकमल दाहाल “प्रचण्ड”की पत्नी सीता दाहाललाई अस्पताल भर्ना गरिएको छ। राजधानीमा चिसो बढेसँगै स्वास्थ्यमा समस्या आएपछि सितालाई ललितपुरस्थित सुमेरू अस्पतालमा भर्ना गरिएको हो । चिसो र रूघाखोकी लागेपछि उनलाई अस्पताल भर्ना गरिएको पारिवारिक स्रोतले जनाएको छ । “प्रचण्ड” पत्नी सिता पहिलेदेखिनै बिरामी भईरहने भएपनि अहिले भने रूघाखोकी मात्रै देखिएको र अवस्था सामान्य रहेको बताइएको छ । यसअघि उनलाई ‘पार्किन्सन’ रोग लागेको खुल्न आएको थियो । पार्किन्सन’ एक वंशानुगत रोग रहेको छ । पार्किन्सन मस्तिष्कमा रहेको नसासम्बन्धी समस्या रहेको छ। चिकित्सकहरुको अनुसार यो रोग लागेपछि मस्तिष्कको नसा सुक्दै जान्छ । गत असोज १० गते पत्नी सीतालाई लिएर प्रचण्ड उपचारका लागि सिंगापुर गएका थिए । त्यहि समयमा सिंगापुरका डाक्टरले सीता दाहालमा पार्किन्सनका रोगका लक्षण देखिएको बताएका हुन् ।