featured photo: Darpanpost

मलेसिया, ६ माघ  । मलेसियामा एक बर्मेलीले नेपालीलाई छुरा प्रहार गरेर हत्या गरेका छन् । मलेसियाको सहर केपोङ्गको एउटा कम्पनीमा शनिबार राती नेपाली र म्यानमारका कामदारबीच भएको विवाद छुट्याउन खोज्दा म्यानमारका नागरिकको छुरा प्रहारबाट नेपालका इन्द्र तामाङको ज्यान गएको हो ।  यता सोही छुरा लागेर झापाका लालबहादुर लिम्बु घाइते हुनुभएको छ । लिम्बुलाई राती नै अस्पताल भर्ना गरिएको सोही कम्पनीमा कार्यरत लिम्बुका साथीले बताएका छन् । के कारणले विवाद भएको थियो र किन छुरा प्रहार गरियो भन्ने खुल्न सकेको छैन भने छुरा प्रहार गर्ने म्यानमारका नागरिक फरार रहेको कम्पनीले जनाएको छ ।