featured photo: Darpanpost

टंक सुनार
माघ ५ । प्रदेश नम्बर ५ का सामाजिक विकास मन्त्री सुर्दशन बरालले सरकारी,सहकारी र निजी क्षेत्रको विकासले मात्रै मुलुकमा नयाँ समाजबादको स्थापना गर्न सकिने बताउनु भएको छ । शनिबार रुपन्देहीको देवदहमा ईप्सा रुपन्देहीको खेल सप्ताहा समापन कार्यक्रममा बोल्दै उहाले सरकारले निजि क्षेत्रको भुमिकाको सह्राना गर्ने बताउनु भएको हो ।

मन्त्री बरालले शिक्षालाई सबैको पहुँमा पुग्ने बनाउन निजि विद्यालयहरुलाई आग्रह गर्नु भयो । विपन्न समुदायका बालबालिकालाई पनि निजि विद्यालयको शिक्षा आर्जन गर्ने वातावरण बनाउन अनुरोध गर्नु भयो । हुनेहरुबाट नहुनेहरुलाई प्रदान गर्नु नै समाजबाद भएको उल्लेख गर्दै मन्त्री बरालले सरकारले निति निर्माण गर्दा निजि क्षेत्रको राय सुझाब लिने गरेको बताउनु भयो । कार्यक्रमा प्याब्सनका प्रदेश अध्यक्ष कृष्ण खनाल, रुपन्देही अध्यक्ष लेखनाथ पौडेल लगायतले बोल्दै सरकारले देशका विभिन्न भागमा अध्यनरत विद्यार्थीहरु बिच सिक्ने र सिकाउने खालको बातावरण तयारी गरे निजि विद्यालय यसमा सहकार्य गर्न तयार रहेको बताएका थिए ।