featured photo: Darpanpost

टंक सुनार
माघ ३ । रुपन्देहीको देवदहमा श्रीमद देवी भागवत एवं धनधान्याञ्चल ज्ञान महायज्ञ हुने भएको छ । देवदह नगरपालिका वडा नम्बर २ ढेकावारमा रहेको दुर्गा मन्दिरको स्तर बृद्धी गर्ने उद्देश्यले महायज्ञको आयोजना गरीएको आयोजकले बुधबार पत्रकार सम्मेलनको आयोजना गरी जानकारी दिएको हो । महायज्ञ माघ २२ देखि फाल्गुन १ गते सम्म संञ्चालन हुने महायज्ञ सम्पादन मूल समिति संयोजक जागेश्वर पंगेनीले बताउनु भयो । उहाँका अनुसार महायज्ञ सम्पन्न गर्न करीब ३५ लाख खर्च हुने अनुमान गरीएको छ भने महायज्ञबाट करीब ५० लाख संङ्कलन गर्ने लक्ष्य राखिएको छ । यज्ञ अवधिभर तुलादान, भुमिदान, ब्रतबन्ध, विवाह, लक्ष्यवर्ती, ग्रह शान्ति, चौरासी पुजा लगायत कार्यहरु पनि गरीने छ । महायज्ञमा प्रमुख वाचकको रुपमा पुरुषोत्तम बस्याल रहनु भएको छ ।