featured photo: Darpanpost

टंक सुनार
पुस २९ । रुपन्देहीको देवदहमा रहेको चरङ्गे खानेपानी तथा सरसफाई संस्थाको दोस्रो साधारण सभा तथा प्रथम अधिवेशन सम्पन्न भएको छ । शनिबार चरङ्गेमा एक कार्यक्रमका बिच अधिवेशन सम्पन्न गरीएको हो । उक्त अवशरमा बोल्दै देवदह नगप्रमुख हिरा बहादुर खत्रीले राजनितिलाई भ्रष्ट्राचार गर्ने माध्यमका रुपमा बुझिएको बताउनु भएको छ । राजनैतिक आस्थाको आधारमा सामाजिक संघ संस्थाहरुमा कसैलाई काखा र कसैलाई पाखा गर्नु दुखद भएको उहाको भनाई थियो । उहाले राजनितिलाई परीवर्तनको संम्वाहाकका रुपमा बुझ्नु पर्नेमा जोड दिनु भयो ।

कार्यक्रममा देवदह नगरपालिका वडा नम्बर १० का वडा अध्यक्ष एक बहादुर सुनार, वडा नम्बर ७ का अध्यक्ष पदम थापा,नेपाल कम्युनिष्ट पार्टीका देवदह सचिव मन कुमार कनौजे लगायतले बोल्दै खानेपानीको मुहान संरक्षणमा एकजुट हुनु पर्नेमा जोड दिएका थिए ।