featured photo: Darpanpost

टंक सुनार
पुस २७ । प्रदेश नम्बर ५ का प्रदेश सदस्य डा.कृष्ण न्यौपानेले देवदह लगायत बौद्ध क्षेत्र समेटिने गरी पर्यटन बस संञ्चालन गर्ने बताउनु भएको छ । शुक्रबार रुपन्देहीको देवदहमा स्मृती सामुदायिक बन उपभोक्ता आठौँ बार्षिक साधारण सभा तथा पाँचौँ अधिवेशन कार्यक्रमलाई सम्बोधन गर्दै उक्त कुरा बताउनु भएको हो । उहाले विश्वमा देवदह एउटा मात्रै भएको उल्लेख गर्दै यस क्षेत्रको बृहत्तर विकास गर्न सके पर्यटन हव बनाउन सकिने बताउनु भयो ।

सांसद न्यौपानेले पर्यटन विकासमा बन क्षेत्रको महत्वपुर्ण भुमिका हुने हुँदा यस तर्फ सामुदायिक बनहरुले सोच्नु पर्ने वेला आएको बताउनु भयो । कार्यक्रममा गाउँ बन समन्वय संञ्जाल देवदह अध्यक्ष खेम नारायण अधिकारी, वडा अध्यक्षहरु दामोदर क्षेत्री, पदम थापा, साहायक बन अधिकृत कृष्ण प्रसाद ज्ञवाली लगायतले बोलेका थिए । सामुदायिक बन अतिक्रमणको शिकार भएको प्रति उनिहरुको चिन्ता थियो । उनिहरुले बन संरक्षणमा एक भएर लाग्न आग्रह गरेका थिए ।