featured photo: Darpanpost

नवलपुर, मंसीर २५ ।

कावासोती नगरपालिकाद्धारा सञ्चालित  प्रथम मेयर कप फुटवल प्रतियोगिताको मगंलवारको पहिलो खेलमा कावासोती २ र दोस्रो खेलमा कावासोती ८ विजयी भएका छन ।

कावासोतीको राममन्दिर खेल मैदानमा  पहिलो खेलमा कावासोती २ ले कावासोती ९ लाई ५–० को गोल अन्तरले पराजित गर्र्दै जित हात पारेको हो । प्रतिस्पर्धामा कावासोती २ का जर्सी नम्वर ८८ का खेलाडी कृष्ण श्रेष्ठले ३ गोल गरेका थिए । उनले ३५, ६७ र ७४ औ मिनेटमा ३ गोल गरेका हुन् । खेलमा कावासोती २ का जर्सी नम्वर ११ का बल बहादुर थापाले ८ औं मिनेटमा खाता खोलेका थिए भने ८४ औं मिनेटमा जर्सी नम्वर ९९ का सुरज गुरुङले १ गोल गरेका थिए ।

त्यस्तै वडा नम्वर ८ र ६ बीच भएको दोस्रो खेलमा  कावासोती ८ ले ६ लाई ३ का बिरुद्ध ० गोल अन्तरले पराजित गरेको छ । खेलको पहिलो हाफको एक्काइसौ मिनेटमा कावासोती ८ का जर्सी नम्वर ८ का खेलाडी मनिष तामाङले १ गोल गर्दै खाता खोलेका थिए भने  जर्सी नम्वर  ७ का खेलाडी बिमल आलेले ६७ र ७८ औं मिनेटमा २ गोल गरेका थिए ।

भोलि पहिलो खेल वडा नम्वर ५ र १२ तथा दोश्रो खेल १ र ४ बीच हुने आयोजकले जनाएको छ । कावासोती नगरका १७ वटै वडाको सहभागिता रहेको मेयर कप फुटबल प्रतियोगिता पुस २ गते सम्म सञ्चालन हुनेछ ।

प्रतियोगिताको प्रथम हुनेले ७५ हजार, द्धितिय हुनेले ४० हजार र सेमिफाइनलमा पराजित हुने दुई टिमलाई १०÷१० हजार नगद पुरस्कार प्रदान गरिने आयोजकले जनाएको छ ।

नवलपरासी जिल्ला फुटबल संघको प्राविधिक सहयोगमा कावासोती मैदान निर्माण उपभोक्ता समितिको सहआयोजना र न्यु भानु आदर्श युवा क्लवको संयोजनमा प्रतियोगिता सञ्चालन भएको हो ।