featured photo: Darpanpost

टंक सुनार
मंसिर २१ । रुपन्देहीको देवदहमा चार बर्षिय अवोध बालिका सामुहिक बलात्कारको शिकार भएकी छन । देवदह नगरपालिका वडा नम्बर ५ मा शुक्रबार साझ ७ बजे मदिरा सेवन गरेका युवाहरुको समुहले बालिका माथि सामुहिक करणी गरेका हुन । घरमा आमा नभएको मौका छोपी विस्कुट दिने प्रलोभन देखाएर आफ्नो डेरामा लगेर करणी गरेको पिडित बालिकाले बताएकी छन ।

बालिकाको लुम्बिनी अञ्चल अस्पतालमा उपचार भइरहेको छ । बालिकालाई रक्ताम्मे देखे पछि स्थानिय एक महिलाले प्रहरीलाई खबर गरेकी थिइन । घटना लगत्तै घटना स्थल पुगेका प्रहरी टोली संकास्पद ५ जनालाई नियन्त्रणमा लिएर अनुसन्धान थालेको छ । उनिहरुले करणी गरेपछि बालिकालाई उनकै घरमा लगेर सुताई दिएका थिए । पक्राउ पर्नेमा बोधे बि.क, लक्ष्मण बि.क,राजु परीयार, जीवन खत्री र दिनेश बिक रहेको प्रहरीले बताएको छ ।