नवलपुर, मंसीर २० ।

उघोग बाणिज्य संघ नवलपुरको आयोजनामा भएको २ दिने वृहत निशुल्क स्वास्थ्य शिविर विहिवार सकिएको छ ।

नवलपुरको कावासोती १६ डण्डामा रहेको मध्यविन्दु सामुदायिक स्मृति अस्पतालमा आयोजना गरिएको निशुल्क स्वास्थ्य परिक्षणमा सिङघापुरका वरिष्ट चिकित्सक सहितको टोलिले स्वास्थ्य परिक्षण गरेका थिए ।

पहिलो दिन ३ सय १० जनाले र आज दास्रो दिन ४ सय ५९ गरि ७ सय ६९ जनाले स्वास्थ्य परिक्षण गराएका छन ।  शिंगापुर रेडक्रस प्रारम्भ सामाजिक संस्था, सिटिजन बैँक, मध्यपुर अस्पताल प्रा.लि., बजाज आर इ, मध्यविन्दु सामुदायिक स्मृति अस्पताल, घले आँखा उपचार केन्द्र, मध्यविन्दु आँखा उपचार केन्द्र र सेभलाइफ जिम हाउसको सहआयोजनामा गरिएको २ दिने शिविरमा आखाँ रोग  , दन्त रोग , स्त्री सम्बन्धि रोग, हाडजोर्नि ,सल्यक्रिया लगायको स्वास्थ्य सेवा प्रदान गरिएको नवलपुर उघोग बाणिज्य संघका अध्यक्ष डासुराज पोख्रेलले  जानकारी दिनुभयो ।

समापन कार्यक्रममा प्रतिनिधि सभा का सदस्य तिलक महतको प्रमुख आतिथ्यता रहेको थियो। कर्यक्रममा सांसद महतले उघोग बाणिज्य संघ नवलपुरले आयोजना गरेको शिविरमा सवै प्रकारका रोगहरुको परिक्षण गरीएकाले प्रभावकारी भएको वताउनु भयो । कावासोतीका सर्वसाधारण सामान्य विरामी पर्दा समेत अन्यत्र जाने गरेको हुनाले निशुल्क शिविर संचालन गर्दै जानु पर्नैमा जोड दिनु भयो । उहाले फरक प्रसंगमा मध्यविन्दु सामुदायिक स्मृति अस्पताललाइ जिल्ला अस्पताल वनाउन सवैको सहयोगको अपेक्षा रहेको समेत वताउनु भयो ।