featured photo: Darpanpost

गजल
किसानको पेसा नहो खेतिपाती गर्नैपर्ने
घामपानीमा दुख गरि ढुकुटी भर्नैपर्ने

कैले आफ्नो कैले अर्काको पालैपालो गरि
अर्म पर्म गर्नलाइनी बेशितिर झर्नैपर्ने

जाडो गर्मी केही नभनी खेतबारिमा गइ
अन्नबाली फलाउनलाइनी बिउबिजन छर्नैपर्ने

मज्जा आउँछ मेलापातमा काम गर्दैगर्दा
एउटा सकि अर्को ठाउमा पालो गरि सर्नैपर्ने

फुर्सद हुन्न कहिलेपनी ब्यस्त रहेर भएपनी
सबजना मर्या ठाउमा आफुपनी मर्नैपर्ने

लेखक – सन्जु निरौला 
दमक झापा