featured photo: Darpanpost

नवलपुर, मंसीर १४ ।

भोलि-शनिबार_ हुने कानुन ब्यवसायीहरुको छाता संगठन नेपाल बार एशोसिएसन नवलपुरको प्रथम जिल्ला अधिवेशनको निर्वाचनका लागि विभिन्न पार्टिले उम्मेदवारी दर्ता गराएका छन् ।

नेपाल कम्युनिष्ट पार्टी -नेकपा_ निकट कानुन ब्यवसायीहरु संगठन नेप्लिज लयर्स एशोसिएसनका तर्फबाट अध्यक्षमा अधिवक्ता भुपेन्द्र खनालको प्यानलले उम्मेदवारी दिएको छ । जसको उपाध्यक्षमा राजेन्द्र पोखरेल, सचिवमा दिपक भट्टराई, कोषाध्यक्षमा राधा उपाध्याय, सदस्यहरुमा चेतप्रसाद शर्मा, फेकुराम साह, टेकनारायण सुवेदी र बुद्धिराज पोखरेले उम्मेद्वारी दिएका छन् । ११ सदस्यीय कार्यसमितिमा खनाल प्यानलले नौ जनाको मात्र उम्मेद्वारी दर्ता गरेको छ ।

त्यस्तै नेपाली काँग्रेस निकट कानुन ब्यवसायीहरुको संगठन डेमोक्रेटिक लयर्स एशोसिएसन -डिएलए_का तर्फबाट अध्यक्षमा चेतनारायण भुषाल, उपाध्यक्षमा गणेश अधिकारी, सचिवमा जनक ढुङ्गाना र सदस्यहरुमा अर्जुन काफ्ले, गणेश सिग्देल र पदमलाल चौधरीले उम्मेदवारी दिएका छन् । ११ सदस्य कार्यसमितिमा ६ जनाले मात्र उम्मेद्वारी दिएका छन् । दुई तर्फबाट आवश्यक संख्यामा मात्र सदस्यको उम्मेद्वारी परेकाले सातजना सदस्य र्नि्विरोध भएका छन् भने कोषाध्यक्षमा नेप्लिज लयर्स एशोसिएसनकी उम्मेद्वार राधा उपाध्याय निर्विरोध भएकी छिन् ।

शनिवार हुने निर्वाचनमा अध्यक्षमा नेप्लिज लयर्स एशोसिएसन तर्फबाट अध्यक्षमा अधिवक्ता भूपेन्द्र खनाल, डेमोक्रेटिक लयर्स एशोसिएसन -डिएलए_ का तर्फबाट अध्यक्षमा चेतनारायण भुसाल र अध्यक्षमा स्वतन्त्र उम्मेद्वार गणेश सापकोटा सहित तीन जनाले प्रतिस्पर्धा गर्नेछन् । अध्यक्षका स्वतन्त्र उम्मेद्वार सापकोटा कम्युनिष्ट कानुन ब्यवसायीका केन्द्रीय सदस्य, तत्कालिन नेकपा -एमाले_ का जिल्ला सदस्य समेत हुन् ।

अन्य पदाधिकारीमा भने कम्युनिष्ट पार्टी र काँग्रेस पार्टी निकटका कानुन ब्यवसायीहरुले प्रतिस्पर्धा गर्नेछन् । केन्द्रीय पार्षदमा भने एक जनामा अधिवक्ता भोजराज दाहाल निर्विरोध भएका छन् । चुनाव बार भवन कावासोतीमा शनिवार बिहान ११ बजे देखि ३ बजे सम्म हुनेछ । नवलपुर जिल्ला अदालत गठन भएको एक वर्षपछि नवलपुर बार एशोसिएसनको चुनाव हुन लागेको हो ।