featured photo: Darpanpost

नवलपुर, मंसीर १० ।

गण्डकी प्रदेशमा सबैभन्दा बढी सडक दुर्घटना हुने जिल्लाको रुपमा नवलपुर लाइ चिनिन्छ । यस आर्थिक बर्षमा मात्रै नवलपुर जिल्लामा सवारी दुर्घटनाबाट ३९ जनाको मृत्यु भएको तथ्यांक सार्वजनिक भएको छ ।

यसरी दिनहु जसो हुने सवारी दुर्घटना कम गर्नका लागि विभिन्न क्षेत्रबाट विभिन्न चेतनामुलक कार्यक्रमको थालनीमा जोड दिइएको छ । यसै क्रममा पौरखी बचत तथा ऋण सहकारी सँस्था लि. ले दुर्घटना न्युनिकरण सम्बन्धि चेतनामुलक सडक नाटक कार्यक्रम सम्पन्न गरेको छ । नारायणी कला केन्द्रको सहयोगमा पौरखी बचत तथा ऋण सहकारी संस्थाले जिल्लाको विभिन्न ठाउँमा कार्यक्रम गरेको हो ।

नवलपुर जिल्लाको  दलदले चोक, डण्डा चोक, कावासोतीको लुम्बीनी बोर्डिङ्ग र कावासोतीको थानाचोकमा नाटक सहित सडक दुर्घटना न्युनिकरणका लागि सजग हुनुपर्ने विषयवस्तुको बारेमा सन्देश प्रवाह गरिएको थियो ।