featured photo: Darpanpost

टंक सुनार
मंसिर ७ । रुपन्देहीको देवदहमा सवारी दुर्घटनामा परेर एक जनाको मृत्यु भएको छ । बिहीबार देवदह नगरपालीका वडा नं ९ भलुहीमा खैरेनीबाट बुटवल तर्फ जादै गरेको लु १ ज ३१८० नं को विङ्गर संग सोही दिशा तर्फ जादै गरेको लु ३४ प ५३५० नं को मोटरसाइकल र लु १ ज ९०३७ नं को बोलेरो पिक अप आपसमा ठक्कर खादा सो दुर्घटना भएको हो । दुर्घटनामा परी मृत्यु हुनेमा मोटरसाइकल चालक नवलपरासी जिल्ला रामग्राम–३ बस्ने २१ बर्षिय सन्दिप चौधरी रहेको देवदह प्रहरी चौकीका प्रहरी नायव निरीक्षक टोप बहादुर रानाले जानकारी दिनु भयो । उनको देवदह मेडिकल कलेज भलुहीमा उपचारको क्रममा ज्यान गएको प्रहरीले बताएको छ ।

मृतक चौधरीको सव पोष्टमार्टमका लागि पृथ्वीचन्द्र अस्पताल परासी लगिएको छ । विङ्गर र बोलेरो पिक अपका चालकलाई प्रहरीले नियन्त्रमा लिएको छ ।यस्तै गरी बिहिबार नै सोही स्थानमा मोटरसाइकललाई जोगाउने क्रममा कार अनियन्त्रीत भई पल्टदा कार चालक घाइते भएका छन ।बुटवल बाट खैरेनी तर्फ आउदै गरेकोबा १९ च ६४७१ नम्बरको कारले लु ३० प ७७५७ नम्बरको मोटरसाइकललाई बचाउने क्रममा कार पल्टदा कार चालक देवदह नगरपालिका वडा नम्बर ५ बस्ने वर्ष २७का विकास उपाध्याय घाइते भएका हुन । उनको सामान्य अवस्थामा उपचार भइरहेको छ ।