About Contact
१९ मंसिर २०७९, सोमबार
Close
बिज्ञापन
नवलपुरमा एक वर्षको अवधिमा ६४ वटा मानव अधिकार उल्लंघनका घटना दर्ता, सबैभन्दा बढी बलात्कार र यौन दुव्र्यवहारका घटना

Darpanpost मंगलबार, मंसिर ०४, २०७५ मा प्रकाशित

featured photo: Darpanpost

नवलपुर, मंसीर ४ ।

 

अनौपचारिक क्षेत्र सेवा केन्द्र इन्सेक नवलपुरमा एक वर्षको अवधिमा ६४ वटा मानव अधिकार उल्लंघनका घटनाहरु दर्ता भएका छन् ।

 

इन्सेक नवलपुरले आज आयोजना गरेको नेपाल मानव अधिकार वर्ष पुस्तक–२०१९ को वार्षिक समीक्षा कार्यक्रममा, २०७४ पुस १७ गतेदेखि २०७५ मङ्सिर ३ अर्थात् सोमबारसम्ममा ६४ वटा घटना दर्ता भएको तथ्यांक सार्वजनिक गरेको हो । सबैभन्दा बढी बलात्कार र यौन दुव्र्यवहारका ३१ घटना दर्ता भएको इन्सेक नवलपरासीका प्रतिनिधि नारायण पराजुलीले जानकारी दिनुभएको हो  । जसमध्ये २२ वटा बालिका बलात्कार तथा यौन दुव्र्यवहारका घटना मात्रै छन् ।

 

घरेलु हिंसामा १४ वटा, राज्यबाट गिरफ्तारसम्बन्धी ३. गैरराज्य पक्षबाट हत्या भएका सम्बन्धी ६, मौलिक अधिकार सम्बन्धी १, कुटपिट सम्बन्धी १, एसिड प्रहारसम्बन्धी १, बहुबिबाह सम्बन्धी ३, मानव बेचबिखन सम्बन्धी १ र परिवारजनबाट हत्या प्रयाससम्बन्धी एक मुद्दा दर्ता भएको पराजुलीले बताउनुभयो । त्यस्तै भौतिक क्षति सम्बन्धी एक मुद्दा दर्ता भएको इन्सेक नवलपुरले जनाएको छ । ६४ मध्ये मध्ये ६ वटा अदालतबाट फैसला भएको र एक मुद्दाको प्रक्रिया नै अघि नबढेको पराजुलीले बताउनुभयो । यसैबीच समीक्षा कार्यक्रममा सहभागीहरुले इन्सेकले घरेलु हिंसा र बलात्कारका घटना मात्रै नभएर सिंगो मानव अधिकार उल्लघंनका घटनाहरुमा पनि ध्यान दिनुपर्नेमा जोड दिँदै प्रहरीले जाहेरी दरखास्त लिन आनाकानी गर्नु दुःखद भएको बताएका थिए ।

 

कार्यक्रममा सहायक प्रमुख जिल्ला अधिकारी श्रीनाथ पौडेलले इन्सेकले मानवअधिकारको हनन हुन नदिन महत्वपूर्ण भूमिका खेलेको बताउँदै अझै समाजमा लुकेर रहेका घटनाहरुलाई सुक्ष्म अध्ययन गरेर बाहिर ल्याउन भूमिका खेल्नुपर्नेमा जोड दिनुभयो । जिल्ला समन्वय समिति नवलपुरका प्रमुख चेसराम आलेले जिल्लामा अघिल्लो वर्षको तथ्यांकअनुसार घटना बढेको हो कि ? घटेको हो भन्ने स्पस्ट खाका अनुसार चेतना फैलाउनु पर्ने बताउनुभयो ।

 

जिल्ला प्रहरी कार्यालय नवलपुरका प्रमुख रमेश थापाले प्रहरी कार्यालयमा आउने सबै पीडितलाई न्याय दिलाउन आफूहरु लागि परेको र कुनै दबाबमा नपरी पीडितको जाहेरी तत्कालै दर्ता गरी कारबाही प्रक्रिया अघि बढाइने गरिएको बताउनुभयो । इन्सेक नवलपुरका तीर्थ राज डुम्रेले सञ्चालन गरेको कार्यक्रममा कानुन ब्यवसायी, विभिन्न संघसस्थाका प्रमुख तथा प्रतिनिधिलगायतको सहभागिता रहेको थियो ।

तपाईको प्रतिक्रिया के छ ?
<

सम्बन्धित

ताजा अपडेट
पत्रकार एलनमाथि हातपात, कान र गालामा चोट
ट्रम्पले ‘संविधान समाप्ति’को आह्वान गरेपछि…

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष्य हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६

अध्यक्ष/ सम्पादक    –  विमल भट्टराई

    प्रवन्ध निर्देशक– मिन राना

    सहसम्पादक – गोकण राज पाण्डे 
 

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com