featured photo: Darpanpost

अमृत भट्टराई 

मंसिर – २ गुल्मी ।  गुल्मीको दुर्गम क्षेत्रमा पर्ने कालीगण्डकी गाउँपालिका– ४ पुर्तिघाटको जिवनोद्रार उच्च माविमा ३ दिने नि:शुल्क अाँखा शिविर शनिबार सम्पन्न घुम्ती शिविरबाट ९५७ जनाभन्दा बढी लाभान्वित भएका छन् । कालीगण्डकी गाउँपालीकाको आयोजना रहेको शिविरमा वि.पि प्रतिष्ठान भक्तपुर को प्राविधिक सहयोग र गाउँपालीका का विदेशमा रहेका युवाहरूको आर्थिक सहयोगमा ३ दिने आँखा शिविर आयोजना भएको हो । शिविर कालीगण्डकी गाउँपालीका को पुर्तिघाटमा रहेको जीवनद्रार माविमा सञ्चालन भएको थियो । शिविरमा ९५७ जनाको आँखा परिक्षण गरिएको हो जसमा पुरुष भन्दा महिला बढी रहेका थिए पुरुष – ४३७ र महिला ५२० जना रहेका थिए । शिविरमा ८१ जनाको शल्यक्रिया र ६६ जनालाई चस्मा वितरण गरिएको गाउँपालीका का अध्यक्ष बेद बहादुर थापाले जानकारी गराउनुभयो ।

गाउँपालीका का अध्यक्ष बेद बहादुर थापाको अध्यक्ष्ातामा सञ्चालित कार्यक्रमको उद्घाटन नेपाली काँग्रेस का नेता रुद्र नारायण श्रेष्ठले गर्नुभएको थियो । शिविर मा गुल्मीको कालीगण्डकी गाउँपालीका का बासिन्दा र पर्वत को बिहादी गाउँपालिका को बर्राचौर , रानीपानी , बाछ्छा का बासिन्दाले शिविर बाट लाभान्वित भएका छन् । यदी ठुलो शल्यक्रिया सहितको आधुनिक शिविर सञ्चालन भएको भने पहिलोपटक रहेको अध्यक्ष ले बताए ।