featured photo: Darpanpost

ज्ञानु पंगेनी, 
 १ मंसिर, नवलपरासी ।  राष्ट्रिय युवा परिषदका कार्यकारी उपाध्यक्ष माधव ढुङ्गेलले डण्डा स्थित डणावरदेवी सास्कृतीक रंगशालालाई राष्ट्रिय रुपमा नै परिचित बनाउनुपर्ने धारणा व्यक्त गरेका छन ।  शनिवार नवलपरासी पूर्वको कावासोती १४ डण्डामा रहेको डणावर देवी सास्स्कृती रंगशालाको शिलन्यास कार्याक्रममा सम्बोधन गर्दै उनले सास्कृतीक रंगशाला नाम दिएकाले विभिन्न जातजातीका संस्कृतीलाई जगेर्ना गर्नतर्फ लाग्नुपर्ने बताए । उनले आफुले रंगशालाको विकासका लागि सक्दो सहयोग गर्ने समेत प्रतिबद्धता वयक्त गर्दै रंगशाला निर्माण स्थलमा स्थानीय तहले बसपार्क बनाउने भन्ने कुरा रहेकाले सहकार्यमा काम अगाढी बढाउने उनले सझुाव दिए ।  जकल्याण युवा क्लबको आयोजनामा शिलन्यास कार्यक्रममा भएको थियो । पहिलो चरणमा स्थानीय समाजसेवि तथा रिटर्नी माईग्रेटहरुको सहयोगमा गेट र कम्पाउण्ड निर्माण गरिने रंगशाला निर्माण समितीका सदस्य ईन्द्र वहादुर महतोले जानकारी दिए । २५ सय जना दर्शक अट्ने प्याराफिट सहितको रंगशाला निर्माण गरिने छ जसमा भलिबल , ब्याडमिन्टन , टेवलटेनिस समेतको कोर्ट निर्माण गरिने छ । भने फुटवल र क्रिकेट समेत खेल्न सकिने महतोले जानकारी दिए ।
करीब एक करोण ५७ लाख रुपैयाको लागतमा पा“च वर्षभित्रमा रंगशाला निर्माण सम्पन्न गर्ने लक्ष्य राखिएको छ । रंगशाला दुई विघा १८ कठ्ठा क्षेत्रफलमा फैलिएको छ ।
जकल्याण युवा क्लबका अध्यक्ष नारायण थनेतको अध्यक्षतामा भएको कार्यक्रममा जिल्ला खेलकुद विकास समिती नवलपुरका अध्यक्ष विकास केसी , रिटर्नी माईग्रेटका केन्द्रिय अध्यक्ष उत्तम अधिकारी , थारु कल्याणकारीणी सभा नवलपुरका अध्यक्ष राम प्रसाद महतो रिटर्नी माईग्रेट नेपाल गण्डकी प्रदेशका अध्यक्ष नेत्र नारायण थनेत लगायतको सहभागिता रहेको थियो ।