featured photo: Darpanpost

ज्ञानु पंगेनी,
१ मंसिर, नवलपरासी ।  नवलपरासी पूर्वको विनयी त्रिवेणी गाउपालिका एक दुम्किवासबाट प्रहरीले शनिवार दुई लाख १३ हजार रुपैया बराबरको अवैद्य कपडा बरामद गरेको छ । ईलाका प्रहरी कार्यालय दुम्किवासका प्रहरी निरिक्षक घजिन्द्र कार्कीका अनुसार भन्सार छलेर अवैध रुपमा कपडा ल्याउदै गरेकोे गोप्य सुचनाको आधारमा प्रहरीले जा“च गर्दा अस्थाई नम्बर प्लेट लु.अ.अ.क ७०२३ ( अनटेस्ट ) बलेरो पिकअप जिप र नवलपरासी पश्चिम बसैया निवासी चालक ईश्वर खत्री र व्यापारी व्यास पासवानलाई पक्राउ गरिएको छ । बरामद कपडामा कुर्ता सुरवाल ३ सय २८ थान ,टप २८ थान, थानको कपडा ३६ रोल ९ हजार ६ सय ३७ मिटर ,टावेल १६ थान , लुङगी १५ थान निलो रङको कपडा २४ मिटर, सिल्क कपडा १४ मिटर र उलन सट १७ मिटर रहेको छ ।  बरामद जीप र कपडा महेशपुर भन्सार कार्यालय चलान गरिएको छ ।