featured photo: Darpanpost

नवलपुर, कात्तिक २७ ।

पुर्बी नवलपरासीको कावासोती नगरपालिकाले आइतबारदेखि सन्चालन गरेको योजना उपभोक्ता तालीम मंगलबार पनि जारी राखेको छ । जस अन्तर्गत कावासोती वडा नम्वर १०,८,९,१५ र १७ का उपभोक्ताहरुलाई तालीम दिइएको छ ।

तालिममा निर्माण कार्य सहज बनाउने, बिल भुक्तानी प्रक्रिया, कार्बाही आदिका बारेमा तालिम दिइएको हो । तालिम, दुइ दुइ वडाका सहभागीहरुको समुह छुट्याएर सन्चालन गरिएको कावासोती नगरपालिकाका इन्जिनियर पवन रुपाखेतीले जानकारी दिनुभयो ।

मंगलबारको तालिममा प्रशासकिय अधिकृत रोशन ज्ञवाली, इन्जिनियर एवम् सुचना अधिकृत पवन रुपाखेति, योजना शाखा अधिकृत होमनाथ काफ्ले, लेखा शाखा अधिकृत रमेश घर्तीले सहजीकरण गर्नुभएको थियो ।

तालिम बुधबार समापन हुनेछ । नगरपालिकाले सन्चालन गरेको योजना सफल र प्रभावकारी बनाउन तालिमको आयोजना गरिएको हो ।