featured photo: Darpanpost

नवलपुर, २५ कात्तिक ।

पूर्वी नवलपरासीको मध्यविन्दु नगरपालिका –२, कोल्हुवामा जारि राइनो संरक्षण गोल्डकप फुटबल प्रतियोगिता–२०७५ को दोस्रो क्वाटर फाईनल खेलमा च्यासल युथ क्लव विजयी भएको छ । एनआरटि न्युरोड टिमलाइ १–० गोल अन्तरले पराजित गर्दै च्यासल युथ क्लव विजयी भएको हो ।

यो सगै सेमि फाईनल पुग्ने च्यासल युथ क्लव पहिलो भएको  छ  ।  खेलको पहिलो हापमा दुवै टिमबाट कुनैपनि गोल हुन सकेको थिएन । खेलको दोस्रो हापको १० औँ मिनेटमा च्यासल युथ क्लवले पाएको कर्नर सुटलाई  फरवार्ड खेलाडी जर्सि नं. १० का विमल घर्ती मगरले हेड मार्फत खेलको पहिलो गोल गरेका थिए । विमल घर्ति मगरले गरेको गोल नै खेलको निर्णायक गोल बन्न पुग्यो । आजको खेलमा म्यान अफ दी म्याच विमल घर्तिमगर भएका छन ।

भोलि(सोमबार)को खेल ए. पि. एफ. क्लव र हिमालयन शेर्पा विच हुने खेल संयोजक शेतमान पुनले जानकारी दिनुभयो । खेलमा विभागीय टिम २ र ए डिभिजन क्लबका ६ टिमको सहभागिता रहेको थियो । खेल २९ गते सम्म चल्ने  प्रचारप्रसार समितिका संयोजक बिष्णु अधिकारीले  जानकारी दिनुभयो । प्रतियोगितामा पहिलो हुनेले रु ४ लाख ९९ हजार ५५५ र दोस्रो हुने टिमले रु २ लाख ५५ हजार ५५५  मेडल, प्रमाण पत्र को साथै फाईनलमा पुग्ने २ टिम लाई म्याच मनि रु १ लाख पाउने छन् ।