featured photo: Darpanpost

ज्ञानु पंगेनी,
२० कात्तिक, नवलपरासी ।  चाडपर्वलाई लक्षित गरि नवलपरासी पूर्वमा अनुगमनलाई तिब्रता दिईएको छ । जिल्ला प्रशाशन कार्यालय नवलपरासी पूर्वको रोहबरमा मंलवार गैडाकोट नगरपालिका र देवचुली नगरपालिकामा रहेका मुख्य मुख्य बजारमा अनुगमन गरिएको छ । तिहारका वेला विषेशगरि मिस्ठान्न परिकार बढि विक्री हुने भएकाले मिस्ठान्न पसलमा अनुगमन गरिएको हो । गैडाकोटमा रहेको मौलाकालीका मिस्ठान्न भण्डार , अधिकारी मिस्ठान्न भण्डार र गणपती स्विटस् हाउसमा अनुगमन गरिएको थियो । यस्तै रजहरको सुवेदी मिस्ठान्न एण्ड वेकरी र मारवाडी मिस्ठान्न भण्डार , दलदलेमा रहेको सुवेदी स्विट्स एण्ड वेकरीमा पनि अनुगमन गरिएको थियो । अनुमन गरिएका सबै मिठाई पसलले तौलमा एक सय ४५ ग्रामसम्म ठगि गरेको पाईएको जिल्ला प्रशाशन कार्यालय नवलपरासी पूर्वका सहायक प्रमुख जिल्ला अधिकारी श्रीनाथ पौडेलले बताए ।

मिस्ठान्न पसलमा चास्नि र तेलमा झिका मरेका पाईएपछि तुरुन्तै नष्ट गरिएको थियो ।
दलदलेमा रहेको सुवेदी स्विट्स एण्ड वेकरीको भान्छा ज्यादै फोहोर पाईएपछि तुरुन्तै भान्छालाई व्यवस्थित र सरसफाई गर्न निर्देशन गरिएको छ । वेकरी उत्पादन गर्ने मेसिन सफा नै नगरिएको कच्चा पदार्थ भुईमा जताजतै राखेकाले झिका भन्केको पाईएको थियो ।

यस्तै मुख्य मुख्य किराना पसलमा समेत अनुगमन गरिएको थियो । किराना पसलहरु कुनैले पनि मुल्य सुचि नराखेको , म्याद नाघेका , लेबल नभएका , कुहिएका दाल , तेल , च्यापत्ती , सिन्के चाउचाउ , फुरनदाना , सेवई , चना दालमोठ लगायतका सामाग्री फेला पारेकाले ती सामाग्री जफत गरिएको छ । पसलहरुलाई मुल्य सुचि राख्न र म्याद नाघेको , खराब भएको सामाग्री छुट्टै स्थानमा स्पष्ट हुने गरि लेखेर राख्न र्दिेशन गरिएको पौडेलले जानकारी दिए । मौलाकालीका मन्दिरको फेदीमा रहेका होटल र पसलमा समेत मंगलवार पहिलो पटक अनुगमन भएको छ ।
यस्तै होटलरुमा पनि अनुगमन गरिएको थियो । दुम्कौलीको शाश्वतधाम अगाडी रहेका होटलहरुमा गुनासो आएकाले अनुगमन गरिएको थियो । यहाका होटलहरु दर्ता नभएका पाईएको छ । भने फोहोर र दुईतिन दिनदेखि फ्रीजमा राखेर बासि खाना नास्ता दिने गरेको पाईएको छ । धेरै दिनका सामाग्री नष्ट गरिएको छ ।
अनुगमनमा कावासोती प्रहरी , उद्योग वाणिज्य संघ उपभोक्ता हकहित संरक्षण मञ्च र पत्रकारको टोली सहभागि थिए । सोमवार कावासोतीमा अनुगमन गरिएको थियो ।