featured photo: Darpanpost

देवचुली, १८ कात्तिक ।

देवचुली नगरपालिकामा सञ्चालन गरिएको एक कार्यक्रममा जनप्रतिनिधीहरुले बालबालिकाहरुको चौतर्फी विकासको लागि जीवनउपयोगी सिपको तालिम सञ्चालन गर्नुपर्ने कुरामा जोड दिएका छन् ।

किशोरीहरुले सञ्चालन गरेको द्धन्द्ध र सामाजिक समस्या न्युनिकरणमा किशोरकिशोरीको भुमिका बिषयक तालिम कार्यक्रमको समापनमा देवचुली नगरपालिका वडा नं. १६ का वडा अध्यक्ष केशरबहादुर क्षेत्रीले उक्त कुरामा जोड दिनुभएको हो ।

देवचुली नगरपालिका यही भाद्ध २९ गतेका दिन बालमैत्री नगरको रुपमा नेपालको नै दोस्रो घोषणा भएको र यसको दिगोपनाका लागि समेत यस्ता खालका कार्यक्रमहरुले सहयोग गर्र्ने समेत वडा अध्यक्ष क्षेत्रीले बताउनुभयो ।

उक्त कार्यक्रमका ३० जना किशोरीहरुले देवचुली नगरपालिकामा रहेका किशोरकिशोरीहरुलाई आत्मसुरक्षा, द्धन्द्ध, हिंसा, महिनावारी, सामाजिक समस्याहरु, नेतृत्व विकास र जीवनउपयोगी सिपको बारेमा विद्यालयहरुमा र समुदायस्तरमा सचेतनामुलक बिभिन्न कार्यक्रमहरुको आयोजना गर्ने गरेको कार्यक्रमका संयोजक दिपक शर्माले बताउनुभयो । जागृति बाल तथा युवा सरोकार नेपालद्धारा देवचुली नगरपालिकामा कन्नालानको सहयोगमा  किशोरी शसक्तिकरण कार्यक्रममा  देवचुली १६ रजहरमा सम्पन्न भएको हो ।
कार्यक्रममा वडाका ४० भन्दा बढी किशोरकिशोरीहरुको सहभागिता रहेको थियो ।