featured photo: Darpanpost

नवलपुर, १३ कात्तिक ।

साना किसान कृर्षि सहकारी संस्था लि अग्यौलीले कृषकलाई पशु विमा वापतको क्षतिपूर्ती रकम हस्तान्तरण गरेको छ । कृषक रेवती प्रसाद न्यौपानेलाई विमा वापत गाईको विमा मुल्य ६५ हजार वापतको क्षतिपूर्ती रकम ५८ हजार ५ सय र भैसीको विमा मुल्य ८० हजार को क्षती पूर्ती रकम ६२ हजार गरि कुल १ लाख ३० हजार ५ सय वरावरको क्षतिपूर्ती रकम आज एक कार्यक्रमका विच हस्तान्तरण गरेको छ । यसरी क्षतीपूर्ती वापतको रकम पाउंदा आफुलाई निकै राहत मिलेको वताउनुभयो ।

सञ्चालक समिती सदस्य एवं दुधडेरी उप समिती संयोजक हरि प्रसाद सुवेदीको अध्यक्षतामा आयोजीत कार्यक्रममा संस्थाका अध्यक्ष प्रेम वहादुर वस्नेत प्रमुख अतिथि रहनुभएको थियो । कार्यक्रममा वोल्दै अध्यक्ष वस्नेतले देशको विकासका लागी पनि कृर्षि क्षेत्रको विकास हुन आवश्यक रहेको वताउनुभयो । उहांले यस्ता किसीमका विमा योजनाले पशुपालकल कृषकहरुलाई सहज हुने वताउनुभयो ।

त्यस्तै कावासोती नगरपालीकाका पशु प्राविधिक बुद्धि वहादुर देउजा, हुप्सिकोट गाउंपालीकाका पशु प्राविधिक दिपक वास्ताकोटी, सञ्चालक सदस्य नवराज घिमिरे,दुधडेरी उप समिती कर्णाखर आचार्य,प्रेम प्रसाद लामीछाने,डेरी सहायक कर्मचारी नेत्र तिवारी  लगाएतको उपस्थिति रहेको थियो ।कार्यक्रमको सञ्चालन हेमन्त ढुङ्गानाले गर्नुभएको थियो ।