featured photo: Darpanpost

नवलपुर, ५ कात्तिक ।

नवलपुर जिल्लाको गैंडाकोटमा लाखौँ रुपियाँ नगदसहित १५ जना जुवाडे पक्राउ परेका छन् । गैंडाकोट नगरपालिका वडा नंबर १ ब्रिटिस क्याम्प नजिकै रहेको एक जिर्ण घरमा जुवा खेलिरहेका उनीहरुलाई सोमबार बिहान पक्राउ गरिएको ईलाका प्रहरी कार्यालय गैंडाकोटले जनाएको छ । उनीहरुको साथबाट प्रहरीले ४ लाख ७ हजार २ सय ४० रुपियाँ नगदसमेत बरामद गरेको छ ।

पक्राउ पर्नेहरूमा गैँडाकोट नगरपालिका वडा नंबर १ का ३९ वर्षीय रमेश श्रेष्ठ, चितवनको भरतपुर महानगरपालिका वडा नंबर २ का ५६ वर्षीय खुमप्रसाद, वडा नंबर ५ का ४५ वर्षीय विमल श्रेष्ठ, वडा नंबर ३ का २८ वर्षीय अनिल शाह, वडा नंबर ४ का ४८ वर्षीय श्याम लामा, वडा नंबर २ का २८ वर्षीय प्रदीप लामा, वडा नंबर ११ का ४२ वर्षीय निर्मल श्रेष्ठ, वडा नंबर १९ का ३९ वर्षीय कृष्णहरि शर्मा, वडा नंबर ४ का ३१ वर्षीय विकाश क्षत्री, वडा नंबर १० का ४० वर्षीय अशोक लामिछाने, वडा नंबर ४ का २९ वर्षीय गोपाल गौतम, चितवनकै रत्ननगर नगरपालिका वडा नंबर १४ का ३४ वर्षीय विशाल बस्नेत, सोही ठाँउका ३८ वर्षीय कुमार गुरुङ, ४८ वर्षीय बाबुराम अर्याल र लमजुङ जिल्ला बेशिशहर वडा नंबर २ बस्ने १८ वर्षीय विपिन गुरुङ रहेका छन् ।

पक्राउ परेका सबै १५ जनालाई ईलाका प्रहरी कार्यालय गैँडाकोटमा राखेर अनुसन्धान भैरहेको प्रहरी निरीक्षक लोकबहादुर जिसीले जानकारी दिए ।

फाइल तस्बीर :