featured photo: Darpanpost

नवलपुर, कात्तिक ४ ।
बर्दघाट नगरपालिका वडा नम्बर ५ खजुराको एक पोखरीमा गोही पसेको छ । वडा नम्बर ५ खजुरा बस्दै आएका विजय भट्टराईको पोखरीमा स्थानियले आज(आइतबार) दिउसो तिर गोही तैरिरहेको देखेपछी भट्टराईलाई खबर गरेका थिए । खबर पाए लगत्तै भट्टराईले आफ्नो पोखरीमा गोही पसेको देखेपछी स्थानिय सहित सम्बन्धित निकायलाई जानकारी गराउनुभएको थियो । खबर पाए लगत्तै आइतबार बर्दघाट नगरपालिका वडा नम्बर ५ का वडाध्यक्ष रेश्मीराज भट्राई, ईलाका प्रहरी कार्यालय बर्दघाटका प्रहरी, इलाका वन कार्यालय बर्दघाटका कर्मचारी लगाएत स्थानिय सहितको टोलीले गोही पसेको निजको पोखरीको अनुगमन गरेको थियो । अनुगमनको क्रममा गोही तैरिरहेको देखेपछी बर्दघाट वडा नम्बर ५ का वडाध्यक्ष भट्टराईले गोही जस्तो जलचरलाई सरक्षण गर्नु सबैको दायित्व रहेकोले उक्त गोहीलाई पोखरीबाट सुरक्षित तरिकाले निकालेर सम्बन्धित निकायलाई बुझाउनुपर्ने बताउनुभयो । उक्त गोहीलाई सोमबार सम्बन्धित निकायको उस्थितीमा पोखरीबाट निकालिने स्थानिय गोपाल पाण्डेले जानकारी दिनुभएको छ ।

फाइल तस्बीर ।