About Contact
२० आषाढ २०७९, सोमबार
Close
बिज्ञापन
धूलाम्मे दाउन्ने सडक काट्न घण्टौं लाग्छ

Darpanpost शुक्रबार, कार्तिक ०२, २०७५ मा प्रकाशित

featured photo: Darpanpost

कार्तिक २, २०७५ दशैंमा महेन्द्रराजमार्ग हुँदै पूर्वपश्चिम गर्नेहरु नवलपरासीको दाउन्नेको धूलोमा घण्टौं जाममा पर्ने गरेका छन् । महेन्द्रराजमार्ग अन्तरगत बर्दघाट – दुम्किबास खण्डको १४ किलोमिटर सडक पार गर्न घण्टौं लाग्ने गरेको छ । अचाक्ली बाक्लो धूलोका कारण गाडीले दिउँसै बत्ति बाल्नपर्ने अवस्था छ ।
अत्यन्त घुमाउरो १९ वटा मोड रहेको दाउन्नेको १४ किलोमिटर पक्कि खण्ड मध्य १० किलोमिटर सडक पुरै भत्किएको र धूलैधूलोले भरीएको छ । राजमार्गमा २ फिट सम्मका खाल्डा परेको एक वर्ष भैसक्यो मर्मत गर्न सडक डिभिजन कार्यालय बेखबर र उदासिन छ ।

सडक कार्यालयले महेन्द्रराजमार्गमा खाल्डा परेको २४ घण्टा भित्र पुर्न पर्ने नियम रहेपनि त्यसको पालना भएको छैन । दशैं मान्न उक्त सडक खण्ड हुँदै ओहोरदोहोर गर्नेहरु काठमाडौंलाई बिर्साउने धूलो खान बाध्य छन् ।
“१२ महिना दिनहुँ सडक मर्मत गर्ने ज्यामीहरु सडकमा बेग्रल्ती देखिन्छन सडक पिच गरेको २ दिनपनि सडक टिक्दैन ।” अधिवक्ता पूर्ण चन्द्र शर्मा भन्छन यस्तो २४ घण्टा ब्यस्त रहने सडक पिच गर्दा र मर्मतका नाममा हुने भ्रष्टाचार छानविन हुन आवस्यक छ ।

गत वर्षको बाढीले भत्काएको दाउन्ने सडक खण्ड त्यसपछि दिनहुँ पिच भैरहेको देखिन्छ तर सर्लक्क पिच कतै छैन । बनाउँदै छ भत्किदै छ । यो सडकमा पक्कि बनाउंदा  र मर्मत गर्दा गुणस्तरहिन समानको प्रयोग भएकाले यस्तो बिजोग भएको उनी बताउछन् । सडक दिनहुँ बन्दै गरेको देखिन्छ एक दिन पनि टिक्दैन । त्यस्को सास्ती यात्रुले ब्यहोर्न बाध्य छन् ।

उक्त सडक खण्ड पर्ने विनयी त्रिवेणी गाउँपालिकाका अध्यक्ष डम्बर बहादुर जिसि सडकको मर्मत सम्भार गर्ने नाममा निकै ठूलो अनियमितता भएकाले छाविन गरेर कारबाही गर्न पर्ने बताउंछन् । उनले पूर्वपश्चिमको ब्यस्त सडकमा गरिएको ढलान समेत १ महिना नटिक्ने खालको भएको बताए । वर्षौ देखि यहि अवस्था रहनुले यात्रुले घण्टौं बिताउन पर्दा हैरान भएर सडकलाई बारम्बार ताकेता गर्दा पनि टेर पुच्चछर नलागेको उनको भनाई छ । धूलै धूलोका कारण दिउंसै बत्ति बाल्नुपर्ने अवस्था रहेको जिल्ला प्रहरीको भनाई छ । मोडमा धूलोले दुर्घटना बढने जोखिम उत्तिकै छ ।

तपाईको प्रतिक्रिया के छ ?
<

सम्बन्धित

ताजा अपडेट
अभियानको बेला मृत्यु भएकी प्यूठानकी हुमी देवीको परिवारलाई मगर संसारद्वारा आर्थिक सहयोग
धन्यवाद मेयर साबलाई, गरीबको बाच्ने अधिकार कहाँ छ र ? ‘गरिबको चमेली बोल्दिने कोही छैन (भिडियो सहित)

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवाहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६
    प्रधान सम्पादक –टंक सुनार
    प्रवन्ध निर्देशक–विमल भट्टराई

Contact Us for Assistance !

Contacts

Tel: + 91-7398598063

Email: [email protected]

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com