featured photo: Darpanpost

कार्तिक २ ।

चितवनको जलविरेमा आज विहान यात्रुबाहक बस दुर्घटना हुँदा तीन जनाको ज्यान गएको छ भने २० जना भन्दा बढि घाईते भएका छन् ।

आज विहान २ः३० बजेको समयमा इच्छाकामना गाउँपालिका–६ जलविरे स्थित सडकबाट ४०/५० मिटर तल जलविरे खोल्सामा बस खस्दा सो दुर्घटना भएको हो । काकँडभित्ताबाट पोखरा तर्फ जाँदै गरेको ना ५ ख ४३८३ नम्बरको बसमा २५/२६ जना यात्रु मध्ये तीन जनाको घटनास्थलमै ज्यान गएको चितवन प्रहरीले जनाएको छ ।

ज्यान गुमाउनेमा झापाको मेची नगरपालिका–८ बस्ने वर्ष ३५ का उदयमान राजवंशी रहेका छन् । मृतक मध्ये अन्दाजी वर्ष २५/२६ र वर्ष ४०/५० अन्य दुई जना पुरुषको भने सनाखत हुन बाँकी रहेको प्रहरीले जनाएको छ । घाईते सबैको भरतपुरका विभिन्न अस्पतालहरुमा उपचार भईरहेको छ ।

चितवनको कुरिनटार नजिकै केहीदिन अघि भ्यान र दुध बोक्ने ट्यांकर ठोक्किदा पनि तीन जनाको ज्यान गएको थियो । दशैंको बेला चितवनमा धेरैजसो दुर्घटना हुने गरेको छ ।