२७ असोज, कावासोती
माधव अधिकारी ।।

नवज्योती वचत तथा ऋण सहकारी संस्था लि. कावासोती ८ ले पनि आफ्नो १४औँ बार्षीक साधारण सभा सम्पन्न गरेको छ । संस्थाकी अध्यक्ष हिममायाँ तिमिल्सिनाको अध्यक्षतामा सम्पन्न कार्यक्रममा नवलपुर क्षेत्र नं. २ का संघिय सांसद माननीय तिलक महतको प्रमूख आतिथ्यता रहेको थियो ।

त्यस्तै विशिष्ट अतिथिमा गण्डकी प्रदेश कि सांसद माननीय ओमकला गौतम र विशेष अतिथिहरुमा कावासोती नगरपालिका प्रमूख चन्दा कुमारी पुन, युवा तथा व्यवसायी स्वरोजगार कोषका सदस्य सचिव प्रितम भुजेल,स्थानिय समाजसेवी शेर बहादुर गिरी उहाँकी धर्मपत्नी कावासोती ८ कि जनप्रतिनिधि मिठुमाया गिरी, लगायत रहनुभएको थियो । कार्यक्रममा गिरी दम्पतिले संस्थाका लागि जग्गा हस्तान्तरण समेत गरेका थिए ।

यता, किसान बचत तथा ऋण सहकारी संस्था लि. कावासोती ८ को २३ औ बार्षिक साधारण सभा सम्पन्न भएको छ । संस्थाका अध्यक्ष पूर्ण प्रसाद न्यूरेको सभापतित्वमा भएको कार्यक्रममा कावासोती नगरपालिकाका उप मेयर प्रेम शंकर मर्दनिया प्रमुख अतिथि रहनुभएको थियो । कार्यक्रममा बोल्दै उहाँले सहकारी संस्थालाई घुम्ति कोषको रुपमा अगाडी बढाउदै एक घर एक रोजगारको शुनिश्चितता गर्न जरुरी धारणा व्यक्त गर्नुभयो । यस्तै उहाँले सहकारी संस्थाको विकासको लागि स्थानिय सरकार सदैव प्रतिवद्ध रहेको समेत बताउनुभयो । कार्यक्रममा पशुपति पोख्रेले आर्थिक बर्ष २०७५÷०७५ को बार्षीक प्रतिवेदन प्रस्त्ुत गर्नुभएको थियो भने आर्थिक प्रतिवेदन कावासोती शाखा प्रमुख डिल्लिराम न्योपानेले प्रस्तुत गर्नुभएको थियो । कार्यक्रममा उत्कृष्ट समूहको रुपमा सिद्धेश्वर किसान समूह ला्रइ सम्मान गरिएको थियो । यस्तै असल ऋणी ३ जनालाइ र बाल बचत तर्फ सिर्जना न्यूरेलाई सम्मान गरिएको थियो ।

कार्यक्रममा विभिन्न संस्थाका प्रमूख तथा प्रतिनिधि हरुको सहभागिता रहेको थियो । संस्थाका सह संयोजक यम नारायण चालीसेको स्वागत मन्तव्य रहेको कार्यक्रमको सञ्चालन संस्थाका सदस्य हेमलाल चापागाइले गर्नुभएको थियो ।
कार्यक्रम गण्डकी इङ्गलिस बोर्डिङ्ग स्कुलको प्राङ्गणमा सम्पन्न भएको हो ।