featured photo: Darpanpost

टंक सुनार
असोज २० । प्रदेश नम्बर ५ का पर्यटन उद्योग तथा वातावरण मन्त्री लिला गिरीले सहकारी आर्थिक विकासको माध्यम भएको बताउनु भएको छ । शनिबार रुपन्देहीको देवदहमा देवदह बचत तथा सहकारी संस्थाको १३ औँ बार्षिक साधारण सभा कार्यक्रममा बोल्दै उक्त बताउनु भएको हो । सरकारले ती खम्बे अर्थनिती लिएको उल्लेख गर्दै सहकारी नियम बनाउनु आवश्यक भएको बताउनु भयो । उहाले सहकारीले बचत र ऋण लगानी गर्ने मात्रै काम गरेका कारण सरकारले कर लगाउनु स्वभाविक भएको बताउनु भयो । मन्त्री गिरीले सहकारीले उद्योग पर्यटन कृर्षि लगायतका क्षेत्रमा हात हाल्नु पर्ने र यसको नेतृत्व लिनु पर्नेमा जोड दिनु भयो ।

सोही कार्यक्रममा बोल्दै रुपन्देहीका प्रदेश सांसदहरु दधिराम न्यौपाने र डा.कृष्ण न्यौपानेले सहकारीले छरीएर रहेको पुँजि एकिकृत गरेर सामाजिक न्यायको पक्षमा खर्च गर्नु पर्ने बताएका थिए । सहकारीको माध्यमबाट ससारका गरीब भन्दा गरीब राष्ट्रले आर्थिक सम्बृद्धी हासिल गर्न सफल भएको उल्लेख गर्दै नेपालले पनि यसबाट शिक्षा लिनु पर्ने बताए ।