About Contact
२० मंसिर २०७९, मंगलबार
Close
बिज्ञापन
आईजिपी बर्खास्तको माग गरेपछि नेकपाका विद्यार्थी संगठनमा विवाद

Darpanpost बिहिबार, आश्विन १८, २०७५ मा प्रकाशित

featured photo: Darpanpost

१८ असोज, काठमाडौं । सत्तारुढ नेपाल कम्युनिसट पार्टी (नेकपा) निकट विद्यार्थी संगठनले निर्मला पन्त हत्या प्रकरणमा प्रहरी महानिरीक्षक (आईजिपी) सर्वेन्द्र खनालको बर्खास्ती माग गर्दै गृहमन्त्रीसमक्ष ज्ञापनपत्रबुझाएपछि विवाद उत्पन्न भएको छ ।

तत्कालिन एमाले निकट अनेरास्ववियु र माओवादी निकट अखिल क्रान्तिकारीभित्र विवाद भएको हो । दुई पार्टी एकीकरण भएपनि भातृ संगठन एकीकरण भएका छैनन् । बिहीबार विहान अनेरास्ववियु अध्यक्ष नविना लामा र क्रान्तिकारीका अध्यक्ष रञ्जित तामाङ नेतृत्वको टोलीले गृहमन्त्रीलाई भेटेर आईजिपीलाई बर्खास्त गर्न माग गरेको थियो ।

नेकपाबाट प्रतिनिधिसभा सदस्यसमेत रहेकी सांसद नविना लामासहित सत्तारुढ दलका विद्यार्थी संगठनले सरकारका एक सुरक्षा प्रमुखको राजीनामा र बर्खास्ती मागिनु सरकार विरुद्धकै कदम भएको भन्दै दुवै संगठनका अन्य नेताले आपत्ति जनाएका छन् ।

अनेरास्ववियुका महासचिव ऐन महर र अखिल क्रान्तिकारीका उपाध्यक्ष दिपेश पुनले गृहमन्त्री समक्ष बुझाइएको ज्ञापनपत्र र आइजिपीको बर्खास्तीको माग संस्थागत निर्णय नभएको बताएका छन् । उनीहरुले सरकारको एउटा कर्मचारीको राजिनामा माग्ने काम संगठनले नगर्ने बताएका छन् ।

महासचिव महरले आईजीपी बर्खास्तीको माग व्यक्तिगत हुन सक्ने भन्दै संगठनमा त्यसबारे छलफल र निर्णय नभएको बताए । उनले केहीबेरमा संगठनको आधिकारिक धारणा आउने भन्दै पार्टी अध्यक्ष नेतृत्वको सरकार र पार्टी सचिवालय सदस्यले कमाण्ड गरेको गृह प्रशासनको सन्दर्भमा एउटा कर्मचारीको राजीनामा माग्ने विषय नभएको बताए ।

अखिल क्रान्तिकारीका उपाध्यक्ष दिपेश पुनले दुवै विद्यार्थी संगठनको आधिकारिक छलफल, बैठक र निर्णयबिना केही व्यक्ति प्रतिपक्षभन्दा बढी प्रतिपक्ष भएर हल्काफुल्का रुपमा प्रस्तुत भएको टिप्प्णी गरेका छन् ।

पुनले सरकारविरुद्ध चौतर्फी घेराबन्दी भइरहेको बेला प्रहरी प्रमुखको राजीनामाको मागपत्र बुझाउने शैली गलत भएको बताएका छन् । उनले दुईचार दिनको सस्तो लोकपि्रयतामा नलाग्न नेतृत्वको ध्यानाकर्षण गराएका छन् ।

यता अखिल क्रान्तिकारीका उपाध्यक्ष सुरेन्द्र बस्नेतले भने दुवै संगठनका पदाधिकारीको छलफलबाटै सो ज्ञापनपत्र बुझाइएको दावी गरेका छन् ।

तपाईको प्रतिक्रिया के छ ?
<

सम्बन्धित

ताजा अपडेट
पत्रकार एलनमाथि हातपात, कान र गालामा चोट
ट्रम्पले ‘संविधान समाप्ति’को आह्वान गरेपछि…

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष्य हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६

अध्यक्ष/ सम्पादक    –  विमल भट्टराई

    प्रवन्ध निर्देशक– मिन राना

    सहसम्पादक – गोकण राज पाण्डे 
 

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com