featured photo: Darpanpost

ज्ञानु पंगेनी,

३० भदौ, नवलपरासी । नवलपरासी पूर्वमा रहेको कावासोती नगरपालिकाले राजमार्ग क्षेत्राधिकारभित्र निर्माण गरिएका भौतिक संरचनाहरु हटाएको छ ।
कावासोतीको फलफूलचोकदेखि थकालीचोकसम्मको राजमार्ग क्षेत्राधिकारभित्र बनाईएका घरटहरा , टिकट काउन्टर , ठेलागाडा , होर्डिङ्ग बोर्ड , निर्माण सामाग्री नगरपालिका आफैले हटाएको छ । कावासोती नगरपालिकाको मुख्य बजारको रुपमा हेरिएको यस क्षेत्रलाई सफा र सुन्दर बनाउने उदेश्यले नगरपालिकाले हटाएको हो । सडकको क्षेत्राधिकारभित्र निर्माण गरिएका भौतिक संरचनाका कारण दुर्घटना बढ्नुका साथै बजार कुरुप देखिएकाले नगरपालिकाले १५ दिने सुचना निकालेर नागरिक आफैलाई हटाउन अनुरोध गरेको थियो । तर नागरिकले अटेर गरेकाले नगरपालिका आफैले हटाएको कावासोती नगरपालिकाका प्रमुख प्रशाशकिय अधिकृत रोशन ज्ञवालीले जानकारी दिए ।
बजार सफा सुन्दर बनाउन सडक राजमार्ग छेउका रुखको हागा छाट्ने र दोजरले राजमार्ग छेउछाउमा बनेका खालडाखुल्डी पुर्ने र सम्याउने काम समेत शुरु गरिएको अधिकृत ज्ञवालीले बताए ।