featured photo: Darpanpost

ज्ञानु पंगेनी
३० भदौ, नवलपरासी । विश्व सरसफाई दिवसको अवसर पारेर कावासोती नगरपालिकाले शनिवार वृहत कावासोती बजार सरसफाई कार्यक्रम संगै नगर उपप्रमुख , कावासोती बचाउ अभियानको थालनी गरेको छ ।
कावासोतीको फलफूलचोकदेखि थकालीचोकसम्म राजमार्गको दुवैतर्फ सरसफाई गरिएको छ । कावासोती नगरपालिका प्रमुख चन्द्रा कुमारी पुन ,उपप्रमुख प्रेम शंकर मर्दनिया , १७ वटा वडाका वडा अध्यक्ष तथा वडा सदस्यहरु सबै मिलेर बजारको फोहोर उठाएका छन । जनप्रतिनिधीकै सक्रियतामा बजार सरसफाई गरिएको हो । कार्यक्रममा हरियाली संथा , वातावरण बचाउ अभियान लगायतका संस्थाको समेत सहकार्य रहेको थियो । भने सरकारी कर्मचारी , संघसंस्थाका प्रतिनिधीहरुले पनि सरसफाई गरेका थिए ।

कावासोती नगरपालिकालाई सफा र सुन्दर नगर बनाउने उदेश्य सहित नगर उपप्रमुख , कावासोती बचाउ अभियानको समेत थालनी गरिएको हो । उपप्रमुख मर्दनिया लामो समयदेखि बन वातावरणकै क्षेत्रमा काम गर्दै आएका कारण यस अभियानमा उपप्रमुखलाई जोडिएको हो । कावासोती नगरपालिकाको फोहोरको दिर्घकालीन व्यवस्थापन , राजमार्गको क्षेत्राधिकारभित्र बनाईएका घर टहरा , होडिङ्ग बोर्ड , ठेलागाडा , निर्माण सामाग्री हटाएर बजारलाई सुन्दर बनाउने , कावासोतीलाई हरियाली बनाउने योजना सहित यस अभियानको थालनी गरिएको उपप्रमुख मर्दनियाले बताए । यस अभियानमा सबै नागरिकले साथ दिएर सफल बनाउन समेत उनले आग्रह गरेका छन ।